وزیراعظم پاکستان شہباز شریف کا قطر کے وزیراعظم و وزیر خارجہ شیخ محمد بن عبدالرحمان بن جاسم آل ثانی سے ٹیلیفونک رابطہ ہوا ہے۔
گفتگو کے دوران دونوں رہنماؤں نے دوطرفہ تعاون اور مشرقِ وسطیٰ کی بدلتی ہوئی صورتحال پر تبادلہ خیال کیا، جس میں پاکستان کی قیادت میں جاری امن کوششوں پر خصوصی توجہ مرکوز رہی۔
Islamabad, 18 May 2026.
Prime Minister Muhammad Shehbaz Sharif held a telephone conversation this evening with the Prime Minister & Foreign Minister of Qatar, His Excellency Sheikh Mohammed bin Abdulrahman bin Jassim Al Thani.
During the telephone call, the two leaders… pic.twitter.com/xD5nL0VLuG
— Prime Minister’s Office (@PakPMO) May 18, 2026
وزیراعظم نے پاکستان کے امن اقدام کی حمایت پر قطر کا تہہِ دل سے شکریہ ادا کرتے ہوئے اس عزم کا اعادہ کیا کہ پاکستان تنازع کے پُرامن حل کے لیے مذاکرات اور سفارت کاری کے ذریعے اپنی بھرپور کوششیں جاری رکھے گا۔
اس ضمن میں دونوں رہنماؤں نے جنگ بندی کو برقرار رکھنے، مزید کشیدگی سے گریز کرنے اور خطے میں امن و استحکام کی بحالی کے لیے بین الاقوامی کوششوں کے تسلسل کی اہمیت پر زور دیا۔
وزیراعظم نے قطر کے امیر شیخ تمیم بن حمد آل ثانی کے لیے اپنی نیک تمناؤں کا بھی اظہار کیا۔
