سابق امریکی کانگریس رکن مارجری ٹیلر گرین نے وائٹ ہاؤس کو سخت انتباہ دیتے ہوئے کہا ہے کہ اگر ڈونلڈ ٹرمپ کی انتظامیہ نے ایران میں امریکی فوج بھیجی تو اس کے سنگین سیاسی نتائج امریکا کے اندر سامنے آئیں گے۔
سوشل میڈیا پلیٹ فارم ایکس پر اپنے بیان میں گرین نے امریکا، اسرائیل اور ایران کے درمیان بڑھتی ہوئی کشیدگی کی شدید الفاظ میں مخالفت کی۔
‘اگر آپ ایران میں امریکی فوجی دستے بھیجتے ہیں تو امریکا میں سیاسی انقلاب آئے گا۔ ہم ختم ہو جائیں گے، ہم نے کہا تھا کہ مزید غیر ملکی جنگیں نہیں ہوں گی، اور ہم اپنے اس مؤقف پر قائم ہیں۔’
یہ بھی پڑھیں: ایران پر ممکنہ حملہ: امریکا نے اسرائیل میں سفارتخانے کے عملے کو فوری انخلا کی ہدایت دی
یہ واضح نہیں ہوسکا کہ سابق کانگریس رکن نے اچانک اتنا سخت بیان کیوں دیا، تاہم مشرقِ وسطیٰ میں جاری وسیع فوجی تیاریوں سے متعلق خبریں گردش کر رہی ہیں۔
گرین کا یہ بیان ایسے وقت میں سامنے آیا ہے جب ٹرمپ نے ایران کے لیے ‘وقت تیزی سے ختم ہونے’ کی بات کرتے ہوئے تہران پر معاہدہ کرنے اور کئی ماہ سے جاری تنازع ختم کرنے کے لیے دباؤ بڑھانے کی کوشش کی ہے۔
ٹرمپ نے اپنے سوشل میڈیا پلیٹ فارم ٹروتھ سوشل پر لکھا کہ ایران کے لیے وقت تیزی سے ختم ہو رہا ہے، انہیں فوری قدم اٹھانا ہوگا، ورنہ ان کے پاس کچھ نہیں بچے گا۔ وقت انتہائی اہم ہے۔
Former Georgia GOP Rep. Marjorie Taylor Greene said over the weekend that political revolution would happen if the U.S. sends troops to Iran.
She added that the original Make America Great Again movement was for no more wars. https://t.co/QBLvAXqUKa
— WEAR ABC 3 (@weartv) May 18, 2026
انہوں نے اپنے پیغام پر پریزیڈینٹ ڈی جے ٹی کے دستخط بھی کیے۔
سابق رکنِ کانگریس مارجری گرین حالیہ دنوں میں ‘میک امریکا گریٹ اگین’ تحریک کے اندر فوجی مداخلت اور بیرونی جنگوں کے خلاف ابھرنے والی آوازوں میں نمایاں سمجھی جا رہی ہیں۔
انہوں نے متعدد بار مؤقف اختیار کیا کہ ٹرمپ انتظامیہ مشرقِ وسطیٰ کے تنازع میں الجھ کر اپنے ‘امریکا فرسٹ’ ایجنڈے سے انحراف کر رہی ہے۔
مزید پڑھیں: ایران پر ممکنہ حملہ: امریکا نے پاکستان میں موجود امریکی شہریوں کو الرٹ کردیا
مشرقِ وسطیٰ میں بڑھتی ہوئی کشیدگی فوری طور پر ختم کرنے کا مطالبہ کرتے ہوئے گرین نے کہا کہ یہ اتحاد ایک ہو جائے گا اور پھر اسے روکنا ممکن نہیں ہوگا، اور میں اس بات کو یقینی بناؤں گی۔
واضح رہے کہ مارجری ٹیلر گرین نے رواں سال ٹرمپ کے ساتھ عوامی اختلافات کے باعث کانگریس سے استعفیٰ دے دیا تھا۔
