روس اور پاکستان کے درمیان اسٹریٹجک استحکام سے متعلق مشاورتی گروپ کا 16واں اجلاس 18 مئی کو ماسکو میں منعقد ہوا۔
ترجمان دفتر خارجہ کے مطابق اجلاس کی مشترکہ صدارت روس کے نائب وزیرِ خارجہ سرگئی ریابکوف اور اسلامی جمہوریہ پاکستان کی وزارتِ خارجہ کے ایڈیشنل سیکریٹری طاہر حسین اندرابی نے کی۔
🔊PR No.1️⃣2️⃣1️⃣/2️⃣0️⃣2️⃣6️⃣
Russia-Pakistan Joint Press Release: 16th Meeting of the Russia-Pakistan Consultative Group on Strategic Stability.https://t.co/WyWRcT2Qys
🔗⬇️ pic.twitter.com/BNJvqCd3Tt
— Ministry of Foreign Affairs – Pakistan (@ForeignOfficePk) May 19, 2026
ملاقات کے دوران دونوں ممالک کے وفود کے درمیان بین الاقوامی سلامتی، عالمی استحکام، اسلحہ پر کنٹرول، تخفیفِ اسلحہ اور عدم پھیلاؤ سے متعلق امور پر تفصیلی اور اعتماد پر مبنی تبادلہ خیال کیا گیا۔
اعلامیے کے مطابق اجلاس میں زیرِ بحث آنے والے بیشتر معاملات پر روس اور پاکستان کے مؤقف میں ہم آہنگی پائی گئی۔ دونوں ممالک نے متعلقہ بین الاقوامی فورمز پر باہمی تعاون اور رابطوں کو جاری رکھنے کے عزم کا اعادہ بھی کیا۔
فریقین کے درمیان اس بات پر اتفاق کیا گیا کہ مشاورتی گروپ کا 17واں اجلاس آئندہ برس اسلام آباد میں منعقد کیا جائےگا۔
