منشیات فروش خاتون انمول عرف پنکی کیس کی تفتیش میں اہم پیش رفت سامنے آئی ہے۔
میڈیا رپورٹس کے مطابق کاؤنٹر ٹیررازم ڈیپارٹمنٹ (سی ٹی ڈی) کے 2 اہلکاروں کو حراست میں لے لیا گیا ہے، جن پر الزام ہے کہ وہ انمول عرف پنکی کے ساتھ رابطے میں تھے۔
حراست میں لیے گئے اہلکاروں میں اے ایس آئی کفیل اور ایک سپاہی شامل ہیں، دونوں سی ٹی ڈی سول لائنز میں تعینات تھے۔
اس سے قبل کیس سے متعلق ضلعی سینیئر سپرنٹنڈنٹ پولیس (ایس ایس پی) علی حسن کو معطل کیا جا چکا ہے، جس کا نوٹیفکیشن وزیر داخلہ سندھ کی ہدایت پر جاری ہوا۔
دوسری جانب آئی جی سندھ جاوید اوڈھو کا کہنا ہے کہ پنکی کیس میں کئی اہم نام سامنے آسکتے ہیں۔ انمول عرف پنکی زیادہ تر لاہور میں مقیم رہی ہے اور کیس کی مزید تفتیش کے لیے ایک ٹاسک فورس تشکیل دی جا رہی ہے۔
واضح رہے کہ کچھ روز قبل کراچی سے ایک منشیات فروش خاتون کو گرفتار کیا گیا تھا، جس کی شناخت انمول عرف پنکی کے نام سے ہوئی۔ جوں جوں کیس کی تفتیش کی آگے بڑھ رہی ہے اہم انکشافات سامنے آ رہے ہیں۔
