انگلینڈ نے سابق پاکستانی فاسٹ باؤلر محمد عامر کو برطانوی شہریت اور پاسپورٹ جاری کر دیا ہے، جس کے بعد وہ آئندہ کاؤنٹی سیزن میں مقامی کھلاڑی کے طور پر ایکشن میں دکھائی دیں گے۔
یہ بھی پڑھیں:محمد عامر کو کپتانی مل گئی، ابو ظہبی ٹی10 لیگ میں کوئٹہ کیولری کی قیادت کریں گے
سابق پاکستانی فاسٹ باؤلر محمد عامر کو برطانوی شہریت ملنے کی تصدیق ہو گئی ہے۔ اطلاعات کے مطابق وہ اس وقت انگلینڈ میں موجود تھے جب انہیں برطانوی پاسپورٹ جاری کیا گیا۔
ذرائع کے مطابق محمد عامر جلد پاکستان واپس آئیں گے اور عیدالاضحیٰ اپنے اہل خانہ کے ساتھ منائیں گے۔ وہ آئندہ کاؤنٹی کرکٹ سیزن میں بطور مقامی کھلاڑی حصہ لیں گے۔
رپورٹس میں یہ بھی بتایا گیا ہے کہ وہ آئندہ پاکستان سپر لیگ میں غیر ملکی کھلاڑی کے طور پر ایکشن میں ہوں گے۔
مزید اطلاعات کے مطابق اگر انہیں انڈین پریمیئر لیگ (آئی پی ایل) سے کوئی پیشکش موصول ہوتی ہے تو وہ مشاورت کے بعد فیصلہ کریں گے۔
