وفاقی وزیر مذہبی امور سردار محمد یوسف نے مدینہ منورہ میں پاکستان ہاؤس کا دورہ کیا اور مدینہ مشن کی کارکردگی کو سراہتے ہوئے افسران اور عملے کی تعریف کی۔
انہوں نے حج میڈیکل مشن کے تحت قائم مرکزی ڈسپنسری میں فراہم کی جانے والی طبی سہولیات پر بھی اطمینان کا اظہار کیا۔
مزید پڑھیں: کامیاب حج انتظامات پر سعودی قیادت کی وزیر داخلہ کو مبارکباد
بریفنگ میں بتایا گیا کہ مدینہ مشن 72 ہزار سے زائد سرکاری حجاج کی میزبانی کرے گا جبکہ 11 ہزار 700 سے زیادہ پاکستانی حجاج مدینہ منورہ پہنچ چکے ہیں اور آج مسجد نبویﷺ میں نماز جمعہ ادا کریں گے۔
Sardar Muhammad Yousaf نے مدینہ منورہ میں پاکستان ہاؤس کا دورہ کیا اور مدینہ مشن کی کارکردگی کو سراہتے ہوئے افسران اور عملے کی تعریف کی۔ انہوں نے حج میڈیکل مشن کے تحت قائم مرکزی ڈسپنسری میں فراہم کی جانے والی طبی سہولیات پر بھی اطمینان کا اظہار کیا۔@iamabidmalik @AbidJamalQazi pic.twitter.com/r85ICd3UBW
— Media Talk (@mediatalk922) June 5, 2026
ڈائریکٹر حج مدینہ زاہد سہیل نے بتایا کہ پہلی بار حجاج کے کمروں کی کمپیوٹرائزڈ بکنگ کی جا رہی ہے، جبکہ سو فیصد حجاج کی زیارتِ ریاض الجنہ کو یقینی بنایا جا رہا ہے۔ بریفنگ کے مطابق مدینہ منورہ سے پاکستان کے لیے براہِ راست پروازوں کا سلسلہ 30 جون تک جاری رہے گا۔
مزید پڑھیں: ’بیگز کے تالے توڑ کر لاکھوں روپے کا سامان نکال لیا گیا‘، لکھنؤ ایئرپورٹ پر حجاج کے ساتھ بڑی چوری
حکام نے مزید بتایا کہ وطن واپسی کرنے والے حجاج کے سامان کی بکنگ سٹی چیک اِن کے ذریعے رہائش گاہوں میں کی جا رہی ہے، جبکہ خدام الحجاج کی ٹیمیں 24 گھنٹے حجاج کرام کی رہنمائی اور معاونت فراہم کر رہی ہیں۔
