سعودی عرب کے جازان ریجن میں بحیرۂ احمر کے ساحل پر تعمیر کی گئی جدید واٹر فرنٹ روڈ علاقائی سیاحت کے فروغ کا اہم ذریعہ بن گئی ہے۔ جدید سہولیات، دلکش سمندری مناظر، کیفے اور تفریحی مقامات سے آراستہ یہ منصوبہ نہ صرف مقامی بلکہ بیرونی سیاحوں کی بھی توجہ اپنی جانب مبذول کر رہا ہے، جبکہ یہ سعودی وژن 2030 کے تحت شہری ترقی اور معیارِ زندگی بہتر بنانے کی کوششوں کا بھی حصہ ہے۔
بإطلالة ساحرة على ساحر البحر الأحمر.. يبرز طريق الواجهة البحرية بمدينة جيزان كأيقونة عصرية تعزز #المشهد_السياحي وتستقطب الأهالي والزوار على مدار العام. المشروع الذي نفذته أمانة جازان بطول 2.1 كم، يضم كافيهات ومطاعم وممرات مشاة متكاملة توفر متنفساً نموذجياً يعزز #جودة_الحياة… pic.twitter.com/pt0Fx25Sxm
— صحيفة المناطق السعودية (@AlMnatiq) June 5, 2026
’عرب نیوز‘ کے مطابق سعودی عرب کا جازان ریجن تیزی سے ایک اہم سیاحتی مرکز کے طور پر ابھر رہا ہے، جہاں بحیرۂ احمر کے ساحل کے ساتھ جاری ترقیاتی منصوبے علاقے کی کشش میں مسلسل اضافہ کر رہے ہیں۔
ان منصوبوں میں جازان میونسپلٹی کی جانب سے تعمیر کی گئی جازان واٹر فرنٹ روڈ نمایاں حیثیت رکھتی ہے، جو پورا سال سیاحوں اور مقامی افراد کے لیے تفریح اور سیر و سیاحت کا مرکز بنی رہتی ہے۔ یہ منصوبہ علاقے میں بنیادی ڈھانچے اور تفریحی سہولیات کی مسلسل بہتری کی عکاسی کرتا ہے۔
یہ بھی پڑھیں:سعودی عرب: جازان ریجن میں ’شریفے‘ کی سالانہ پیداوار میں غیر معمولی اضافہ
2.1 کلومیٹر طویل اس ساحلی شاہراہ پر زائرین کی سہولت کے لیے جامع انتظامات کیے گئے ہیں۔ یہاں گاڑیوں کی پارکنگ کے لیے مخصوص مقامات، پیدل چلنے والوں کے لیے واک ویز، خصوصی افراد کے لیے آسان رسائی کی سہولیات، اور ساحل کے کنارے قائم متعدد کیفے اور ریستوران موجود ہیں، جہاں کھلے سمندر کے خوبصورت مناظر سے لطف اندوز ہوتے ہوئے وقت گزارا جا سکتا ہے۔
طريق الواجهة البحرية بجازان.. تجربة ترفيهية متكاملة على ساحل البحر الأحمر#معكم_باللحظة https://t.co/8ZUaBeNz61 pic.twitter.com/mfATWwoK36
— أخبار 24 (@Akhbaar24) June 5, 2026
یہ ساحلی شاہراہ کھیلوں، چہل قدمی، تفریح اور فوٹوگرافی کے شوقین افراد کے لیے بھی ایک پسندیدہ مقام بن چکی ہے، خصوصاً غروبِ آفتاب کے اوقات میں یہاں کا منظر انتہائی دلکش ہوتا ہے۔
حکام کے مطابق پارکس، واک ویز اور ساحلی علاقوں کی مسلسل ترقی کے ذریعے شہری انفراسٹرکچر کو مضبوط بنایا جا رہا ہے، جس سے مقامی آبادی کے معیارِ زندگی میں بہتری کے ساتھ ساتھ جازان ریجن کی سیاحتی اہمیت میں بھی اضافہ ہو رہا ہے۔ یہ اقدامات سعودی وژن 2030 کے اہداف کے مطابق سیاحت اور پائیدار شہری ترقی کو فروغ دینے کی کوششوں کا حصہ ہیں۔
