سعودی عرب کے جازان ریجن نے زرعی پیداوار میں ایک اور اہم سنگِ میل عبور کر لیا ہے، جہاں شریفے کی سالانہ پیداوار 42 ٹن سے زیادہ ہو گئی ہے۔
یہ بھی پڑھیں:نجران میں سرخ امرود کے 7 ہزار درخت، سعودی زرعی ترقی کی نئی مثال
سعودی وزارتِ ماحولیات پانی و زراعت کے مطابق جازان میں اس وقت تقریباً 4,200 شریفے کے درخت موجود ہیں، جن کی دیکھ بھال تقریباً 110 کاشتکار کر رہے ہیں۔ یہ پھل خطے کے معتدل موسم اور زرخیز پہاڑی علاقوں میں بہترین طور پر کاشت ہو رہا ہے۔
Jazan Region’s Custard Apple Output Tops 42 Tons Annually.https://t.co/H7tGeodg9j#SPAGOV pic.twitter.com/FZH1h4VbzA
— SPAENG (@Spa_Eng) May 7, 2026
شریفہ اپنی میٹھے ذائقے، نرم اور کریمی ساخت اور اعلیٰ غذائیت کے باعث مقامی مارکیٹ میں تیزی سے مقبول ہو رہا ہے، جس کی وجہ سے اس کی کاشت میں بھی مسلسل اضافہ دیکھا جا رہا ہے۔
ماہرین کے مطابق جازان کے پہاڑی علاقے اس فصل کے لیے انتہائی موزوں ہیں، جہاں قدرتی ماحول اور موسم اس کی بہتر پیداوار میں اہم کردار ادا کرتے ہیں۔
ریجن میں قائم نیشنل ریسرچ اینڈ ڈیولپمنٹ سینٹر برائے پائیدار زراعت اس فصل کی بہتری کے لیے تحقیق، جدید زرعی تکنیکوں کے فروغ اور کاشتکاروں کی رہنمائی پر کام کر رہا ہے۔
زرعی ماہرین کا کہنا ہے کہ اگر یہی رجحان جاری رہا تو جازان جلد سعودی عرب کے اہم زرعی مراکز میں اپنی پوزیشن مزید مضبوط کر لے گا۔
