عالمی اور ملکی سطح پر سونے کی قیمتوں میں اچانک نمایاں کمی ریکارڈ کی گئی ہے، جس کے اثرات مقامی صرافہ بازاروں میں بھی دیکھنے میں آئے ہیں۔
بین الاقوامی بلین مارکیٹ میں ہفتے کے روز فی اونس سونے کی قیمت 124 ڈالر کم ہوگئی، جس کے بعد سونے کی عالمی قیمت گھٹ کر 4 ہزار 328 ڈالر فی اونس پر آ گئی۔
عالمی منڈی میں کمی کے اثرات مقامی مارکیٹ پر بھی مرتب ہوئے، جہاں 24 قیراط فی تولہ سونے کی قیمت 12 ہزار 489 روپے کم ہونے کے بعد 4 لاکھ 55 ہزار 327 روپے تک آ گئی۔
اسی طرح 10 گرام سونے کی قیمت میں 11 ہزار 240 روپے کی کمی ریکارڈ کی گئی، جس کے بعد نئی قیمت 3 لاکھ 89 ہزار 772 روپے مقرر ہو گئی۔
دوسری جانب چاندی کی قیمتوں میں بھی نمایاں کمی دیکھی گئی۔ فی تولہ چاندی 463 روپے سستی ہو کر 7 ہزار 267 روپے کی سطح پر آ گئی، جبکہ 10 گرام چاندی کی قیمت 421 روپے کم ہونے کے بعد 6 ہزار 202 روپے ریکارڈ کی گئی۔
