کووڈ وبا کے دوران چہرے پر ماسک پہننے کے عادی جاپانی شہری آج کل ایک ایسے کورس میں داخلہ لے رہے ہیں جس میں وہ دوبارہ سے مسکرانا سیکھیں گے۔
اگرچہ مشرقی ایشیائی ملک میں کووڈ وبا سے پہلے بھی منہ ڈھانپنا عام تھا، بہت سے لوگ موسمی بیماریوں اور مختلف نوعیت کے بخار سے نمٹنے کے لیے فیس ماسک کا استعمال کرتے تھے، تاہم کووڈ وبا کے دوران حکومتی ہدایت کے مطابق فیس ماسک کے لازمی استعمال نے اس میں یک لخت اضافہ کردیا۔
تین سال سے زائد عرصہ قبل کووڈ کے پہلی کیس رپورٹ ہونے کے بعد بہت سے دیگر ملکوں کی طرح جاپان میں بھی بیشتر شہریوں اس عرصہ میں عوامی اجتماعات اور مقامات پر ماسک کے بغیر عوام میں نہیں دیکھا گیا ہوگا۔
جاپانی حکومت نے آخر کار مارچ میں ماسک پہننے کی اپنی ہدایت واپس لے لی تھی جس کے بعد 20 سالہ ہیماواری یوشیدا ان شہریوں میں شامل تھیں جنہوں نے محسوس کیا کہ وہ فیس ماسک کے بغیر زندگی گزارنا بھول گئے ہیں۔ انہوں نے کووڈ وبا کے دوران اپنے چہرے کے پٹھوں کو زیادہ استعمال نہیں کیا تھا۔
یوشیدا نے اب ایک ’اسمائیل انسٹرکٹر کی خدمات حاصل کرلی ہیں۔ ان کا کہنا ہے کہ یہ ایک اچھی مشق ہے جو انہیں جاپان کی جاب مارکیٹ میں داخلہ کے وقت معاون ثابت ہوگی۔
کیکو کاوانو وہ اسمائیل انسٹرکٹر ہیں جو ماواری یوشیدا اور ان کے ہمراہ دیگر مسکراہٹ کی تلاش میں سرگرداں شہریوں کو مسکرانا سکھارہی ہیں۔ اس نوعیت کی ایک مشق کے دوران انہیں ایک آئینہ تھامے ہوئے اپنی انگلیوں سے اپنے منہ کے اطراف کو پھیلایا ہے۔
کیکو کاوانو کی کمپنی، جس کا لفظی ترجمہ مسکراہت کی تعلیم بنتا ہے ، کے اس نوعیت کے کورس کی مانگ میں چار گنا اضافہ دیکھا ہے، جس میں ون آن ون سیشنز بھی شامل ہیں جن کی لاگت 7 ہزار 7 سو ین یعنی 44 پاؤنڈز بنتی ہے۔
’جزیرے پر سیاحوں کی بڑھتی ہوئی واپسی کو نوٹ کرتے ہوئے میں سمجھتی ہوں کہ لوگوں کی مسکرانے کی ضرورت میں اضافہ ہورہا ہے۔ میرا خیال ہے کہ مغربی ممالک کے لوگوں کے مقابلہ میں جاپانی شہری مسکرانے کے معاملہ اچھے خاصے بخیل ہیں۔‘
کیکو کاوانو کے نزدیک ایسا محتاط رویہ سیکیورٹی کے اس احساس کی وجہ سے ہے جو ایک جزیرہ نما ملک کے شہری ہونے کے باعث عمومی طور پر کسی کو ہو سکتا ہے، تاہم اس رجحان میں کو کووڈ وبا کے دنوں میں حکومتی ہدایت کے باعث ماسک پہننے میں گراں قدر اضافہ کے باعث اچھی خاصی تقویت ملی۔
’ثقافتی طور پر مسکراہٹ اس بات کی نشاندہی کرتی ہے کہ میرے پاس بندوق نہیں ہے، اور میں آپ کے لیے خطرہ نہیں ہوں۔‘
مئی میں عوامی نشریاتی ادارے این ایچ کے کے ایک سروے کے مطابق 55 فیصد جاپانی شہری ابھی تک اسی طرح ماسک پہنے ہوئے ہیں جیسا کہ کووڈ وبا کے دوران حکومتی رہنمائی کے مطابق پہنا کرتے تھے۔ سروے میں شامل فقط 8 فیصد شہریوں نے مکمل طور پر فیس ماسک ترک کرنے کی تصدیق کی تھی۔
