سپریم کورٹ میں وزیرِاعظم شہباز شریف کی جانب سے دائر کیے گئے ہرجانہ کیس میں بانی پی ٹی آئی عمران خان کے حقِ دفاع کی بحالی کا فیصلہ سنا دیا گیا ہے۔
عدالتِ عظمیٰ نے بانی پی ٹی آئی کی نظرثانی درخواست منظور کرتے ہوئے ان کا حقِ دفاع بحال کر دیا ہے۔
یہ بھی پڑھیں: شہباز شریف کے خلاف بانی پی ٹی آئی ہتک عزت کیس: سپریم کورٹ میں بینچ تبدیل
کیس کا فیصلہ 2 ایک کی اکثریت سے سنایا گیا، جس کی سربراہی جسٹس عائشہ ملک نے کی، انہوں نے عدالت کا مختصر حکم پڑھ کر سنایا۔
تفصیلات کے مطابق جسٹس عائشہ ملک کی سربراہی میں سپریم کورٹ کے 3 رکنی بینچ نے کیس کی سماعت مکمل کرنے کے بعد فیصلہ محفوظ کیا تھا، جسے آج سنایا گیا۔
عدالت نے اپنے فیصلے میں قرار دیا کہ نظرثانی کی درخواست قابلِ سماعت ہے اور متعلقہ فریق کو اپنا مؤقف پیش کرنے کا موقع دیا جانا ضروری ہے۔
مزید پڑھیں: ہتک عزت بل کی جتنی آج ضرورت ہے، پہلے نہیں تھی : وزیراعلیٰ پنجاب مریم نواز
یہ کیس وزیرِاعظم شہباز شریف کی جانب سے دائر ہرجانے کے دعوے سے متعلق تھا، جس میں ابتدائی طور پر بانی پی ٹی آئی کے دفاع کے حق پر قانونی سوالات اٹھائے گئے تھے۔
عدالت عظمیٰ کے اس فیصلے کے بعد کیس کو دوبارہ ٹرائل مرحلے میں بھیجے جانے اور فریقین کو مکمل سماعت کا موقع دینے کی قانونی راہ ہموار ہو گئی ہے۔
