سپریم کورٹ نے شہباز شریف کے خلاف بانی پاکستان تحریک انصاف (پی ٹی آئی) کے ہتک عزت کیس کی سماعت کے لیے نیا 3 رکنی بینچ تشکیل دے دیا ہے۔
مزید پڑھیں:سپریم کورٹ نے انصاف تک رسائی بہتر بنانے کے لیے ٹیکنالوجی کے حامل جدید اقدامات شروع کردیے
جسٹس ہاشم خان کاکڑ کی سربراہی میں بینچ 31 مارچ کو کیس کی سماعت کرے گا، جس میں جسٹس گل حسن اورنگزیب اور جسٹس اشتیاق ابراہیم شامل ہوں گے۔
اس سے قبل جسٹس عائشہ ملک کی سربراہی میں 3 رکنی بینچ سماعت کر رہا تھا، تاہم اب جسٹس عائشہ ملک کی جگہ جسٹس میاں گل حسن اورنگزیب کو شامل کیا گیا ہے۔
بانی پی ٹی آئی نے ٹرائل کورٹ میں حق دفاع ختم ہونے کے خلاف سپریم کورٹ سے رجوع کیا تھا۔ نیا بینچ 31 مارچ کو نظرثانی اپیل کی سماعت کرے گا اور کیس کی آئندہ کارروائی اسی کے تحت ہوگی۔
مزید پڑھیں:توہین عدالت کیس: فردِ جرم سے پہلے ابتدائی سماعت لازمی، سپریم کورٹ
واضح رہے کہ سابق جج منصورعلی شاہ کی سربراہی میں 3 رکنی بینچ نے بانی پی ٹی آئی کی درخواست مسترد کر دی تھی، جس کے بعد انہوں نے سپریم کورٹ میں نظرثانی اپیل دائر کی ہے۔
