مقبول اینیمیٹڈ ٹی وی شو کے بارے میں ایک بار پھر یہ دعویٰ سوشل میڈیا پر وائرل ہو رہا ہے کہ اس نے 2026 فیفا ورلڈ کپ کے فائنل میں میکسیکو اور پرتگال کے درمیان مقابلے کی پیشگوئی کر دی تھی، تاہم حقائق اس دعوے کی تائید نہیں کرتے۔
یہ دعویٰ 1997 میں نشر ہونے والی دی سمپسنز کی ایک قسط کے ایک منظر پر مبنی ہے، جس میں فرضی شہر اسپرنگ فیلڈ میں میکسیکو اور پرتگال کے درمیان فٹبال میچ کا اشتہار دکھایا گیا تھا۔ سوشل میڈیا صارفین اس منظر کو 2026 ورلڈ کپ فائنل کی پیشگوئی قرار دے رہے ہیں۔
Hoje começa a Copa do Mundo e não é querendo jogar sal no Brasil, mas os Simpsons “previram” uma final entre Portugal e México. O mais curioso? O episódio é de 1997. pic.twitter.com/NOsJwjy0rD
— geo (@tuitageeo) June 11, 2026
تاہم مذکورہ قسط میں نہ تو فیفا ورلڈ کپ کا کوئی ذکر موجود ہے، نہ ہی سال 2026 کا، اور نہ ہی اسے کسی عالمی فائنل سے جوڑا گیا ہے۔ ماہرین کے مطابق یہ محض ایک فرضی فٹبال میچ تھا جسے بعد میں شائقین نے اپنی قیاس آرائیوں کے ساتھ جوڑ دیا۔
حقیقت جانچنے والی ویب سائٹس کے مطابق یہی دعویٰ 2018 اور 2022 کے ورلڈ کپ کے دوران بھی سوشل میڈیا پر گردش کرتا رہا تھا، جس سے ظاہر ہوتا ہے کہ ٹورنامنٹ کے قریب آتے ہی یہ نظریہ دوبارہ سامنے آجاتا ہے۔
یہ بھی پڑھین: اگست 2025 میں امریکی صدر ڈونلڈ ٹرمپ کی موت، دی سمپسنز نے اپنی پیشگوئی میں کیا کہا؟
اگرچہ دی سمپسنز ماضی میں بعض واقعات سے متعلق مبینہ پیشگوئیوں کے باعث شہرت حاصل کرچکا ہے، لیکن میکسیکو اور پرتگال کے 2026 ورلڈ کپ فائنل میں پہنچنے کا دعویٰ محض ایک مداحانہ نظریہ ہے جس کی تائید کے لیے کوئی ٹھوس ثبوت موجود نہیں۔
واضح رہے کہ فیفا کے مطابق 2026 ورلڈ کپ کا فائنل 19 جولائی 2026 کو نیویارک-نیو جرسی اسٹیڈیم میں کھیلا جائے گا، تاہم فائنل میں پہنچنے والی ٹیموں کا فیصلہ ابھی ہونا باقی ہے۔
