امریکا سے تعلق رکھنے والے ایک والد نے انکشاف کیا ہے کہ وہ اپنی اہلیہ اور دو کم عمر بیٹیوں کے ہمراہ امریکہ چھوڑ کر اسپین منتقل ہو گئے ہیں جس کی وجہ ایک اسکول میں پیش آنے والا مسلح حملہ اور مہنگا طبی بل بنا۔
انسٹاگرام پر اپنی ایک پوسٹ میں زیک لنکن نے بتایا کہ ان کی زندگی کے دو انتہائی تکلیف دہ واقعات نے انہیں بیرون ملک منتقل ہونے پر مجبور کیا۔
یہ بھی پڑھیں: سلمان خان سے قربت، لارنس بشنوئی گینگ کی گلوکار گرو رندھاوا کے جمخانے پر فائرنگ
ایک دن میں اور میری بیوی IKEA میں تھے جب ہمیں اسکول سے پیغام ملا کہ پری اسکول کیمپس میں ایک مسلح حملہ آور موجود ہے۔ ہماری بیٹیاں ایک الماری میں بند تھیں۔ ہم فرنیچر اسٹور میں کھڑے تھے اور نہیں جانتے تھے کہ ہمارے بچے محفوظ ہیں یا نہیں
زیک لنکن کے مطابق اگرچہ ان کی بیٹیاں محفوظ رہیں، تاہم اس واقعے نے انہیں اور ان کی اہلیہ کو شدید ذہنی صدمے سے دوچار کر دیا اور وہ پہلے جیسے نہیں رہے۔
یہ بھی پڑھیں: امریکی اسکول میں گریجویشن تقریب کے بعد فائرنگ، ایک نوجوان ہلاک، 3 زخمی
خاندان کو ایک اور بڑے مالی دباؤ کا سامنا اس وقت کرنا پڑا جب زیک لنکن کی اہلیہ کا ٹخنہ ٹوٹ گیا۔ ان کے مطابق ہیلتھ انشورنس ہونے کے باوجود علاج پر تقریباً 20 ہزار ڈالر کے اخراجات آئے جو دو سال کے عرصے میں ادا کیے گئے۔
انہوں نے بتایا کہ ان دونوں واقعات کے بعد انہوں نے فیصلہ کیا کہ اب وہ مزید اسی طرزِ زندگی کو جاری نہیں رکھ سکتے جس کے بعد انہوں نے اسپین منتقل ہونے کا منصوبہ بنایا۔
زیک لنکن کا کہنا تھا کہ ہم نے ایک دوسرے کی طرف دیکھا اور کہا کہ ہم یہ سب مزید برداشت نہیں کر سکتے اسی لیے ہم نے نئی زندگی شروع کرنے کا فیصلہ کیا۔
