پاکستان کے دارالحکومت میں امریکا اور ایران کے درمیان پاکستان کی ثالثی سے طے پانے والے معاہدے کے بعد ’اسلام آباد امن معاہدہ‘ کے عنوان سے بینرز آویزاں کر دیے گئے، جن میں وزیراعظم شہباز شریف اور فیلڈ مارشل سید عاصم منیر کی تصاویر شامل ہیں۔
اسلام آباد میں امریکا اور ایران کے درمیان طے پانے والے امن معاہدے کے خیرمقدم میں مختلف مقامات پر بینرز اور بل بورڈز آویزاں کر دیے گئے ہیں، جن پر ’اسلام آباد پیس ڈیل‘ (اسلام آباد امن معاہدہ) کے الفاظ درج ہیں۔
#WATCH: Billboards hailing the “Islamabad Peace Deal” and featuring portraits of PM Sharif and FM Munir line the capital following Pakistan’s key role in mediating the US-Iran agreement ending the conflict. https://t.co/0PJfdQBamO pic.twitter.com/D75q9NFx7s
— Arab News Pakistan (@arabnewspk) June 18, 2026
عرب نیوز میں شائع رپورٹ کے مطابق اسلام آباد کی سڑکوں پر لگائے گئے ان بل بورڈز پر وزیراعظم پاکستان شہباز شریف اور چیف آف ڈیفنس فورسز فیلڈ مارشل سید عاصم منیر کی تصاویر نمایاں ہیں۔ رپورٹ کے مطابق پاکستان نے امریکا اور ایران کے درمیان جنگ کے خاتمے کے لیے ثالثی کا کردار ادا کیا اور مذاکرات کی میزبانی کی۔
رپورٹ کے مطابق امریکا اور ایران نے بدھ کو ایک معاہدے پر اتفاق کیا، جس کے نتیجے میں 110 روز سے جاری کشیدگی کے خاتمے اور آبنائے ہرمز کو دوبارہ کھولنے کی راہ ہموار ہوئی۔
یہ بھی پڑھیں:کینیڈا کا امریکا ایران مفاہمت میں پاکستان کے کردار کا اعتراف
اسلام آباد کے شہریوں نے اس پیش رفت کو پاکستان کے لیے قابل فخر لمحہ قرار دیا۔ ایک شہری میہوش علی نے کہا کہ پاکستان ایک پرامن ملک ہے اور امن کے فروغ میں اپنا کردار ادا کرتا ہے۔
انہوں نے امید ظاہر کی کہ آبنائے ہرمز کی بحالی سے عالمی تجارت اور معاشی حالات میں بہتری آئے گی۔
Billboards have appeared in Islamabad honoring Pakistan’s top leadership following claims of a US-Iran peace deal. The visuals are circulating widely on social media, sparking mixed reactions and public debate over timing and messaging. pic.twitter.com/QCdqfMwwZ7
— Elite Pakistan (@ElitePakistanEP) June 17, 2026
ایک اور شہری اعظم شہزاد نے امریکا اور ایران کے درمیان ہونے والے معاہدے کو اہم پیشرفت قرار دیتے ہوئے کہا کہ دنیا پاکستان، حکومت پاکستان، وزیراعظم اور فیلڈ مارشل کے کردار کو سراہ رہی ہے۔
انہوں نے کہا کہ اس سفارتی کامیابی پر پاکستانی عوام کو فخر ہے اور یہ پاکستان کے عالمی سطح پر امن کے کردار کو اجاگر کرتی ہے۔
ادارے کا کالم نگار کی رائے کے ساتھ متفق ہونا ضروری نہیں ہے۔
