وزیراعظم پاکستان شہباز شریف سوئٹزرلینڈ کا اپنا سرکاری دورہ مکمل کرنے کے بعد وطن واپس پہنچ گئے۔
دورے کے دوران وزیراعظم شہباز شریف اور چیف آف آرمی اسٹاف و چیف آف ڈیفنس فورسز، فیلڈ مارشل سید عاصم منیر نے 21 جون 2026 کو سوئٹزرلینڈ کے شہر برگن اسٹاک میں اسلام آباد مفاہمتی یادداشت پر عملدرآمد سے متعلق ہونے والے اعلیٰ سطحی مذاکرات میں شرکت کی، جہاں مختلف امور پر تبادلہ خیال کیا گیا۔
Prime Minister Shehbaz Sharif leaves for Pakistan after participating in the Islamabad MOU, high level discussions، in Bürgenstock, Switzerland: Zurich June 22، 2026.#PakistanForPeace pic.twitter.com/94X6pYQRc5
— Prime Minister’s Office (@PakPMO) June 22, 2026
وزیراعظم کو زیورخ کے بین الاقوامی ہوائی اڈے پر سوئٹزرلینڈ کے اعلیٰ حکام نے الوداع کیا، جبکہ سوئٹزرلینڈ میں پاکستان کے سفیر مرغوب سلیم بٹ بھی اس موقع پر موجود تھے اور انہوں نے وزیراعظم کو رخصت کیا۔
واضح رہے کہ واضح رہے کہ پاکستان اور قطر کی ثالثی میں امریکا اور ایران کے درمیان سوئٹزر لینڈ میں مذاکرات ہوئے، جس کے بعد امریکی نائب صدر جے ڈی وینس نے کہا ہے کہ ہم نے فائنل ڈیل کی بنیاد رکھ دی ہے۔
پاکستان نے امریکا اور ایران کے درمیان مذاکرات کے لیے بھرپور سفارتکاری کی، جسے دنیا بھر میں سراہا جا رہا ہے۔
امریکا نے سوئٹزر لینڈ میں ہونے والے مذاکرات کے بعد ایران کو تیل کی پیداوار اور فروخت کی اجازت بھی دے دی ہے، اور 60 روز کے لیے لائسنس جاری کردیا ہے۔
امریکی محکمہ خزانہ کی جانب سے جاری کیے گئے اس عارضی لائسنس کے تحت 21 اگست تک ایران میں پیدا ہونے والے خام تیل، پیٹروکیمیکل مصنوعات اور دیگر پیٹرولیم مصنوعات کی پیداوار، ترسیل اور فروخت کی اجازت ہوگی۔
