پاکستانی شوبز انڈسٹری کی معروف اداکارہ سوہائے علی ابڑو گزشتہ کچھ عرصے سے اپنی پیشہ ورانہ زندگی کے ساتھ ساتھ نجی زندگی کے حوالے سے خبروں کی زینت بنی ہوئی ہیں۔
سوہائے علی ابڑو کے بارے میں گزشتہ کچھ عرصے سے یہ چہ مگوئیاں جاری ہیں کہ ان کے اور ان کے شوہر شہزار محمد کے درمیان علیحدگی ہو گئی ہے۔ تاہم اداکارہ نے ان تمام خبروں کی تردید اپنے حالیہ انسٹاگرام پوسٹ کے ذریعے کر دی ہے۔
View this post on Instagram
حالیہ پوسٹ میں اداکارہ نے شوہر اور بیٹی کے ساتھ خوشگوار لمحات کی تصاویر شیئر کیں جن میں یہ تینوں ایک خوش و خرم خاندان کی صورت میں نظر آ رہے ہیں۔ انہوں نے اپنے شوہر کو ’بہترین والد‘ اور ایک ’خاص انسان‘ قرار دیتے ہوئے ان کے لیے محبت بھرے جذبات کا اظہار کیا۔
یہ تصاویر سامنے آنے کے بعد سوشل میڈیا پر پھیلنے والی تمام افواہیں دم توڑ گئیں، جبکہ مداحوں نے اس جوڑے کے لیے نیک خواہشات کا اظہار کیا ہے۔
یہ بھی پڑھیں: معروف اداکارہ سوہائے علی ابڑو نے شوہر سے علیحدگی اختیار کرلی؟
سوہائے علی ابڑو نے مارچ 2021 میں سابق کرکٹر سلیم محمد کے بیٹے شہزار محمد سے شادی کی تھی۔ اس جوڑے کی ایک بیٹی بھی ہے۔ شادی کے بعد اداکارہ نے کچھ عرصہ شوبز سے وقفہ لیا تاہم 2024 میں ڈرامہ جینٹلمین کے ذریعے دوبارہ اسکرین پر واپسی کی اور اب وہ مختلف پروجیکٹس میں سرگرم ہیں۔
