پاکستانی شوبز انڈسٹری کی معروف اداکارہ سوہائے علی ابڑو ایک بار پھر اپنی پیشہ ورانہ زندگی کے ساتھ ساتھ نجی زندگی کے حوالے سے خبروں کی زینت بنی ہوئی ہیں۔ ڈرامہ و فلم انڈسٹری میں اپنی جاندار اداکاری سے منفرد مقام بنانے والی سوہائے علی ابڑو کے بارے میں گزشتہ کچھ عرصے سے یہ چہ مگوئیاں جاری ہیں کہ ان کے اور ان کے شوہر شہزار محمد کے درمیان علیحدگی ہو گئی ہے۔
یہ بھی پڑھیں: پاکستانی فلم ’خان تمہارا‘ کی ریلیز روک دی گئی، وجہ کیا بنی؟
سوشل میڈیا پر دونوں شخصیات کی جانب سے ایک دوسرے کے ساتھ حالیہ تصاویر یا مشترکہ پوسٹس کی عدم موجودگی کے باعث مداحوں میں مختلف قیاس آرائیاں جنم لے رہی ہیں۔ رپورٹس کے مطابق دونوں نے ایک طویل عرصے سے انسٹاگرام پر مشترکہ اپڈیٹس شیئر نہیں کیں جبکہ بعض سوشل میڈیا سرگرمیوں نے ان افواہوں کو مزید تقویت دی ہے۔
View this post on Instagram
سوہائے نے آخری بار نومبر 2022 میں اپنے شوہر کے ساتھ ایک پوسٹ شیئر کی تھی جبکہ حالیہ عرصے میں دونوں ایک دوسرے کو سوشل میڈیا پر فالو بھی نہیں کر رہے۔ اس کے علاوہ شہزار محمد کی جانب سے بھی حالیہ دنوں میں صرف اپنی بیٹی کے ساتھ ایک ویڈیو شیئر کی گئی ہے جس میں انہوں نے اپنی اہلیہ کا ذکر نہیں کیا جس کے بعد ان افواہوں کو مزید تقویت ملی ہے۔
View this post on Instagram
تاہم تاحال سوہائے علی ابڑو یا شہزار محمد کی جانب سے کسی قسم کی علیحدگی یا ازدواجی مسائل کی باضابطہ تصدیق یا تردید سامنے نہیں آئی۔
سوہائے علی ابڑو نے مارچ 2021 میں سابق کرکٹر سلیم محمد کے بیٹے شہزار محمد سے شادی کی تھی۔ اس جوڑے کی ایک بیٹی بھی ہے۔ شادی کے بعد اداکارہ نے کچھ عرصہ شوبز سے وقفہ لیا تاہم 2024 میں ڈرامہ جینٹلمین کے ذریعے دوبارہ اسکرین پر واپسی کی اور اب وہ مختلف پروجیکٹس میں سرگرم ہیں۔
