بلوچستان کے اضلاع موسیٰ خیل، کوہلو، بارکھان اور دیگر علاقوں میں زلزلے کے جھٹکے محسوس کیے گئے، موسیٰ خیل کے علاقے راڑا شم میں 90 سے زائد مکانات کو نقصان پہنچا جبکہ دیواریں گرنے سے 20 سے زائد افراد زخمی ہو گئے۔
یہ بھی پڑھیں:وینزویلا کے بعد فلپائن میں بھی شدید زلزلہ، زمین لرز اٹھی
بلوچستان کے مختلف علاقوں میں زلزلے کے جھٹکوں کے باعث نقصانات کی اطلاعات سامنے آئی ہیں۔ ڈپٹی کمشنر موسیٰ خیل عبدالرازق خجک کے مطابق بارکھان اور موسیٰ خیل میں آنے والے زلزلے سے راڑا شم کے علاقے چاپ میں 90 سے زائد مکانات متاثر ہوئے ہیں۔
🔴 A desperate appeal from Musakhel, Balochistan: After the earthquake, mud and brick houses collapsed in Kachori Union Council, leaving women and children exposed to the elements. Locals urgently request tents relief from Balochistan government.
DC reports 35 houses damaged pic.twitter.com/vNuPhf2UwI— Quetta Voice (@VoiceQuetta) June 26, 2026
انہوں نے بتایا کہ دیواریں گرنے کے واقعات میں 20 سے زائد افراد زخمی ہوئے، جن میں خواتین اور بچے بھی شامل ہیں۔ زخمیوں کو طبی امداد کے لیے ہسپتال منتقل کر دیا گیا ہے۔
ڈپٹی کمشنر موسیٰ خیل کے مطابق اسسٹنٹ کمشنر کی سربراہی میں امدادی ٹیمیں متاثرہ علاقوں کی جانب روانہ کر دی گئی ہیں، جبکہ صورتحال کا جائزہ لیا جا رہا ہے۔
یہ بھی پڑھیں:وینزویلا کے بعد فلپائن میں بھی شدید زلزلہ، زمین لرز اٹھی
دوسری جانب کوہلو میں بھی ایک بار پھر زلزلے کے جھٹکے محسوس کیے گئے۔ زلزلہ پیما مرکز کے مطابق کوہلو میں آنے والے زلزلے کی شدت 4.3 ریکارڈ کی گئی جبکہ اس کی گہرائی 15 کلومیٹر تھی۔
زلزلے کا مرکز کوہلو سے تقریباً 40 کلومیٹر شمال میں بتایا گیا ہے۔ ابتدائی اطلاعات کے مطابق کوہلو میں تازہ جھٹکوں سے کسی جانی یا مالی نقصان کی اطلاع نہیں ملی۔
EQ of M: 4.3, On: 27/06/2026 06:15:01 IST, Lat: 30.327 N, Long: 69.272 E, Depth: 10 Km, Location: Pakistan.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @DrNKalaiselvi @GSuresh_NCS @ndmaindia pic.twitter.com/nk9KcP4nrr— National Center for Seismology (@NCS_Earthquake) June 27, 2026
واضح رہے کہ کوہلو میں گزشتہ روز بھی متعدد مرتبہ زلزلے کے جھٹکے محسوس کیے گئے تھے۔ محکمہ موسمیات کے مطابق ایک زلزلہ صبح 10 بج کر 25 منٹ، دوسرا 10 بج کر 58 منٹ جبکہ تیسرا شام 4 بج کر 49 منٹ پر ریکارڈ کیا گیا تھا، جس کی شدت 5.1 تھی۔
زلزلے کے جھٹکے ژوب، بارکھان اور راکھنی کے علاقوں میں بھی محسوس کیے گئے، جبکہ ضلعی انتظامیہ متاثرہ علاقوں میں امدادی سرگرمیوں کی نگرانی کر رہی ہے۔
