وفاقی حکومت نے فنانس ایکٹ 27-2026 کا گزٹ نوٹیفکیشن جاری کر دیا ہے، جس کے بعد نئے مالی سال کے وفاقی بجٹ پر یکم جولائی سے باضابطہ عملدرآمد شروع ہو جائے گا۔
گزٹ نوٹیفکیشن کے مطابق مالی سال 27-2026 کے بجٹ میں شامل تمام ٹیکس اقدامات، ڈیوٹیز، محصولات اور دیگر مالیاتی فیصلے یکم جولائی سے نافذ العمل ہوں گے۔
یاد رہے کہ فنانس بل 27-2026 قومی اسمبلی سے منظوری کے بعد صدرِ مملکت کی توثیق کے لیے بھجوایا گیا تھا۔ صدرِ مملکت کے دستخط کے بعد فنانس بل کو گزٹ نوٹیفکیشن کے اجرا کے لیے پرنٹنگ کارپوریشن آف پاکستان ارسال کیا گیا۔
گزٹ نوٹیفکیشن جاری ہونے کے ساتھ ہی فنانس ایکٹ 27-2026 کو قانونی حیثیت حاصل ہو گئی ہے، جبکہ نئے مالی سال کے وفاقی بجٹ پر یکم جولائی سے باقاعدہ عملدرآمد شروع ہو جائے گا۔
