برطانوی اسٹیج اور سنیما کے مایہ ناز اداکار مائیکل برن 82 برس کی عمر میں اس دنیا سے رخصت ہو گئے ہیں۔ ’ہیری پوٹر‘ اور ’انڈیانا جونز‘ جیسی شہرہ آفاق فلموں میں یادگار کردار نبھانے والے برطانوی اداکار کے انتقال کی خبر منگل کے روز برطانوی میڈیا نے شیئر کی، جس کے مطابق ان کا انتقال 20 جون کو ہوا تھا، تاہم موت کی وجوہات تاحال سامنے نہیں آئی ہیں۔ مائیکل برن نے اپنے تقریباً 60 سالہ طویل کیریئر میں تھیٹر، ٹیلی ویژن اور فلموں میں کئی لازوال کردار ادا کیے۔
RIP Michael Byrne, British Actor
Braveheart, Colonel Vogel in Indiana Jones and the Last Crusade, Harry Potter and the Deathly Hallows – Part 1, Tomorrow Never Dies, The Eagle Has Landed, A Bridge Too Far, Force 10 from Navarone, Apt Pupil, Gangs of New York#InMemoriam #RIP pic.twitter.com/4MecJwLVqA— LegacyTributes (@InMemoriamX) July 1, 2026
سال 1943 میں لندن میں پیدا ہونے والے مائیکل برن نے اپنے فنی سفر کا آغاز 1963 میں اسٹیج تھیٹر سے کیا تھا۔ وہ لندن کے اولڈ وک تھیٹر میں لارنس اولیویئر کی قائم کردہ نیشنل تھیٹر کمپنی کے بانی ارکان میں شامل تھے۔ انہوں نے نیشنل تھیٹر کے لیے ’رومیو اینڈ جولیٹ‘، ’دی سیگل‘، اور ’مچ ایڈو اباؤٹ نتھنگ‘ جیسے کئی مشہور ڈراموں میں اپنی بہترین اداکاری کے جوہر دکھائے، جبکہ کیریئر کے آخری حصے میں بھی وہ تھیٹر رائل سمیت مختلف اسٹیجز پر سرگرم رہے۔
یہ بھی پڑھیں:بڑے اور چھوٹے اداکاروں کے لیے کھانے کا الگ مینیو، بالی ووڈ کا بدنما چہرہ بے نقاب
مائیکل برن کو عالمی سطح پر شہرت ہالی ووڈ کی مقبول ترین فلموں میں منفی اور جاندار کردار ادا کرنے سے ملی۔ انہوں نے 1989 کی مشہورِ زمانہ فلم ’انڈیانا جونز اینڈ دی لاسٹ کروسیڈ‘ میں ہیریسن فورڈ کے مدمقابل ایک نازی کرنل ’ارنسٹ ووگل‘ کا یادگار کردار نبھایا۔ اس کے علاوہ، سال 2010 میں ریلیز ہونے والی فلم ’ہیری پوٹر اینڈ دی ڈیتھلی ہیلوز – پارٹ 1‘ میں انہوں نے جادوئی دنیا کے ایک خطرناک اور سیاہ جادوگر ’گیلرٹ گرینڈل والڈ‘ کا بوڑھا روپ دھار کر شائقینِ فٹبال اور فلم بینوں کو یکساں متاثر کیا۔
Michael Byrne – Grindelwald actor has died
British actor Michael Byrne died on June 20 at the age of 82
He played the old Gellert Grindelwald in "#HarryPotter and the Deathly Hallows – Part 1."
Rest in peace, Michael. 🖤⚡ pic.twitter.com/F31cl0FnSx
— Wizarding Press (@Wizarding_Press) June 30, 2026
اپنے طویل کیریئر کے دوران انہوں نے کئی تاریخی کرداروں کو بھی بڑے پردے پر زندہ کیا۔ سال 2013 میں ریلیز ہونے والی شہزادی ڈائنا کی زندگی پر مبنی فلم ’ڈائنا‘ میں مائیکل برن نے جنوبی افریقہ کے مشہور کارڈیک سرجن کرسچن برنارڈ کا کردار ادا کیا تھا، جس میں مرکزی کردار اداکارہ نومی واٹس نے نبھایا تھا۔
مائیکل برن کی وفات پر دنیا بھر میں موجود ان کے مداحوں اور فلم انڈسٹری سے وابستہ شخصیات کی جانب سے گہرے دکھ اور افسوس کا اظہار کیا جا رہا ہے۔
