پاکستانی سائبر واریئرز نے بھارتی ہیکرز کی جانب سے پاکستانی ٹی وی چینلز کی نشریات میں مداخلت کی مبینہ کوشش کے جواب میں بھارت کے 2 ڈیجیٹل نیوز چینلز کو ہیک کر دیا۔ بھارتی صدر کی تقریب کے دوران دونوں چینلز کی نشریات پر کچھ دیر کے لیے پاکستان کا قومی ترانہ نشر ہوا۔
یہ بھی پڑھیں:امریکی نوجوان سائبر اٹیکرز کے نشانے پر کیوں؟
پاکستانی سائبر واریئرز نے بھارت کے 2 معروف ڈیجیٹل نیوز چینلز کی نشریات میں مداخلت کرتے ہوئے انہیں عارضی طور پر ہیک کر لیا۔ یہ کارروائی اس مبینہ واقعے کے ردعمل میں کی گئی، جس میں بھارتی صارفین یا ہیکرز نے پاکستان کے نجی ٹی وی چینلز، بالخصوص سما ٹی وی اور جیو ٹی وی، کی نشریات میں مداخلت یا ہیکنگ کی کوشش کی تھی۔
سوشل میڈیا پر شیئر کی جانے والی معلومات کے مطابق ہیک ہونے والے بھارتی چینلز میں ’TV9 Telugu Live‘ اور ’Freedom TV Live‘ شامل ہیں۔
🇵🇰 🇮🇳 Pakistani Cyber Warriors Hacked Two Indian Digital Media Channels in Response to the Hacking of Geo TV
🔷️ 1. TV9 Telugu Live
The Indian channel, which has over 14.4 million subscribers and hosts more than 509,000 videos, is among the most popular digital news platforms… https://t.co/DiSSGdhOyS pic.twitter.com/OKUjAR0BfK
— Indus Sentinel Grid (@ISGofficial_) June 30, 2026
’TV9 Telugu Live‘ جس کے یوٹیوب پلیٹ فارم پر ایک کروڑ 40 لاکھ سے زائد سبسکرائبرز ہیں، بھارتی صدر کی وشاکھاپٹنم میں ایک تقریب سے خطاب کے دوران سائبر حملے کا نشانہ بنا۔ مبینہ طور پر اس دوران معمول کی نشریات کی جگہ تقریباً ۵ منٹ 48 سیکنڈ تک پاکستان کا قومی ترانہ نشر ہوتا رہا۔
اس کے علاوہ ’Freedom TV Live‘ جس کے تقریباً 13 لاکھ 40 ہزار سبسکرائبرز ہیں، بھی اسی دوران سائبر حملے سے متاثر ہوا۔ بھارتی فائر والز ہیکرز کے سامنے بے بس ثابت ہوئے اور ان کے سائبر سیکیورٹی سے متعلق بلند و بانگ دعوے غلط ثابت ہوئے۔
