حکومت پنجاب مصنوعی ذہانت کے ذریعے کھیلوں کے شعبے کو ڈیٹا پر مبنی، اسمارٹ اور عالمی معیار کے مطابق بنانے کے لیے عملی اقدامات اٹھارہی ہے۔
یہ بات وزیراعلیٰ پنجاب کے مشیر برائے اے آئی و خصوصی اقدامات علی ڈار نے وزیر کھیل و توانائی فیصل ایوب کھوکھرسے ملاقات کے دوران کہی۔
یہ بھی پڑھیں: پاکستان کا پہلا اے آئی ایبلڈ گورنمنٹ منصوبہ: پنجاب نے روڈ میپ تیار کر لیا
علی ڈار نے وزیر کھیل و توانائی سے ملاقات میں آفس آف اے آئی اور محکمہ اسپورٹس پنجاب کے درمیان مشترکہ اقدامات پر تفصیلی تبادلہ خیال کیا گیا۔
ملاقات کے دوران پنجاب کے اسپورٹس سیکٹر میں مصنوعی ذہانت کے مؤثر انضمام، جدید ٹیکنالوجی کے استعمال اور کھیلوں کے نظام کو عالمی معیار سے ہم آہنگ بنانے کے مختلف پہلوؤں پر غور کیا گیا۔
Minister for Sports Punjab Faisal Ayub Khokhar (@FaisalAKhokhar ), alongside DG Sports and Secretary Sports, met with Advisor to CM Punjab Ali Dar (@alimdar82) to discuss joint initiatives between The Office of AI and the Ministry of Sports to AI-enable the sports sector in… pic.twitter.com/1JZgZ5QYkL
— The Office of AI (@AIOfficePunjab) June 29, 2026
اس موقع پر علی ڈار نے کہا کہ نوجوان پنجاب کا سب سے بڑا سرمایہ ہیں اور مصنوعی ذہانت اور کھیلوں کا امتزاج انہیں عالمی مواقع سے ہمکنار کرے گا۔
انہوں نے کہا کہ وزارتِ کھیل کے ساتھ مل کر پنجاب کے اسپورٹس سیکٹر میں مصنوعی ذہانت کے مؤثر انضمام پر کام کیا جا رہا ہے تاکہ ادارہ جاتی استعداد، شفافیت اور سروس ڈلیوری میں نمایاں بہتری لائی جا سکے۔
مزید پڑھیں: پنجاب کو اے آئی پر مبنی جدید گورننس ماڈل میں ڈھالنے کے لیے اقدامات جاری، علی ڈار
انہوں نے مزید کہا کہ مصنوعی ذہانت کے ذریعے کھلاڑیوں کی ٹیلنٹ آئیڈنٹیفکیشن، کارکردگی کے تجزیے اور تربیت کے نظام کو جدید خطوط پر استوار کیا جائے گا، جبکہ کھیلوں کے شعبے کو ڈیٹا پر مبنی، اسمارٹ اور عالمی معیار کے مطابق بنانے کے لیے عملی اقدامات جاری ہیں۔
علی ڈار کا کہنا تھا کہ مصنوعی ذہانت نوجوانوں کے لیے کھیلوں، ڈیجیٹل مہارتوں اور روزگار کے نئے مواقع پیدا کرنے میں اہم کردار ادا کرے گی۔
انہوں نے اس عزم کا اظہار کیا کہ ٹیکنالوجی اور کھیلوں کا امتزاج پنجاب کے نوجوانوں کو مستقبل کی معیشت اور عالمی مسابقت کے تقاضوں سے ہم آہنگ بنانے میں معاون ثابت ہوگا۔
