مشیر وزیراعلیٰ پنجاب برائے اے آئی و خصوصی اقدامات علی ڈار نے پنجاب سیف سٹیز اتھارٹی کا دورہ کیا، جہاں انہیں ادارے کے موجودہ انفراسٹرکچر اور مستقبل کے لائحہ عمل پر تفصیلی بریفنگ دی گئی۔
پنجاب سیف سٹیز اتھارٹی کے منیجنگ ڈائریکٹر محمد احسن یونس نے مشیر وزیراعلیٰ کو آپریشنز، جدید نگرانی کے نظام اور ٹیکنالوجی پر مبنی سیکیورٹی اقدامات سے آگاہ کیا۔
مزید پڑھیں:علی ڈار کی حمزہ شہباز سے ملاقات، پنجاب کی صورتحال اور ترقیاتی منصوبوں پر تبادلہ خیال
ملاقات میں سیف سٹیز اتھارٹی کے آپریشنز میں مصنوعی ذہانت (AI) کے استعمال کو مزید مؤثر اور تیز بنانے پر تبادلہ خیال کیا گیا۔
علی ڈار نے کہا کہ وزیراعلیٰ پنجاب مریم نواز شریف کے وژن کے مطابق پنجاب کو جدید ٹیکنالوجی اور اے آئی سے لیس صوبہ بنایا جا رہا ہے۔
پنجاب کو اے آئی پر مبنی جدید گورننس ماڈل میں ڈھالنے کے لیے اقدامات جاری، علی ڈار
مشیر وزیراعلیٰ پنجاب برائے اے آئی و خصوصی اقدامات علی ڈار نے پنجاب سیف سٹیز اتھارٹی کا دورہ کیا، جہاں انہیں ادارے کے موجودہ انفراسٹرکچر اور مستقبل کے لائحہ عمل پر تفصیلی بریفنگ دی گئی۔@KhUsamaIqbal pic.twitter.com/lLPdublfxb— Media Talk (@mediatalk922) June 16, 2026
انہوں نے کہا کہ اے آئی اور ڈیٹا اینالیٹکس کی مدد سے نہ صرف امن و امان کے نظام کو بہتر بنایا جا رہا ہے بلکہ عوامی خدمات کی فراہمی بھی زیادہ مؤثر ہو رہی ہے۔ ان کے مطابق ڈیٹا پر مبنی پالیسی سازی سے حکومتی فیصلوں کے معیار میں نمایاں بہتری ممکن ہے۔
علی ڈار نے کہا کہ 43 شہروں میں سیف سٹیز کا فعال نظام پنجاب میں ٹیکنالوجی پر مبنی گورننس کی کامیاب مثال ہے۔ انہوں نے ورچوئل ویمن پولیس اسٹیشن، چائلڈ سیفٹی سینٹر، بلڈ بینک اور ایمرجنسی 15 سسٹم جیسے منصوبوں کو عوامی تحفظ کے لیے اہم قرار دیا۔
مزید پڑھیں: علی ڈار کی لاہور سے الیکشن لڑنے کی خواہش نے نواز لیگ کو تقسیم کر دیا؟
انہوں نے مزید کہا کہ پنجاب کو خطے کا نمایاں اے آئی اور ٹیکنالوجی مرکز بنانے کے لیے عملی اقدامات جاری ہیں، اور جدید ٹیکنالوجی کے ذریعے شہریوں کو محفوظ ماحول اور بہتر سہولیات فراہم کرنا حکومت کی اولین ترجیح ہے۔
