فیفا ورلڈ کپ 2026 کے ناک آؤٹ مرحلے میں میزبان میکسیکو نے ایکواڈور کو 0-2 سے شکست دے کر 40 سال بعد پہلی بار ناک آؤٹ مرحلے میں کامیابی حاصل کرلی، جبکہ فرانس اور ناروے نے بھی اپنے اپنے میچ جیت کر پری کوارٹر فائنل (آخری 16) میں جگہ بنالی۔
مزید پڑھیں:فیفا ورلڈ کپ 2026: گولڈن بوٹ کی دوڑ میں میسی اور ایمباپے کے درمیان کانٹے کا مقابلہ
میکسیکو کے تاریخی ازتیکا اسٹیڈیم میں خراب موسم کے باعث میچ ایک گھنٹے تاخیر سے شروع ہوا، تاہم جولین کوئنونیس نے 22ویں اور راؤل خیمنیز نے 31ویں منٹ میں گول کرکے ٹیم کو 0-2 کی فیصلہ کن فتح دلائی۔ یہ 1986 کے بعد ورلڈکپ کے ناک آؤٹ مرحلے میں میکسیکو کی پہلی کامیابی ہے۔
دوسری جانب فرانس نے سویڈن کو 0-3 سے شکست دے دی۔ کپتان کیلیان ایمباپے نے 2 گول کرکے ٹورنامنٹ میں اپنی مجموعی تعداد 6 کر دی اور وہ لیونل میسی کے ساتھ مشترکہ ٹاپ اسکورر بن گئے، جبکہ بریڈلی بارکولا نے ایک گول اسکور کیا۔ فرانس اب پری کوارٹر فائنل میں پیراگوئے کا سامنا کرے گا۔
El grito de gol se hizo presente en el corazón de la CDMX.
Así se vivió este momento en el #FIFAFanFestival. ⚽️🎉#Somos26 #SomosMexicoCity pic.twitter.com/X1gtn1kmC4
— FIFA World Cup 26™️ Mexico City (@MexicoCity26) July 1, 2026
ادھر ناروے نے آئیوری کوسٹ کو سنسنی خیز مقابلے کے بعد 1-2 سے شکست دے کر تاریخ میں پہلی بار ورلڈ کپ کے ناک آؤٹ مرحلے میں کامیابی حاصل کی۔ انتونیو نوسا نے ناروے کو برتری دلائی، جسے اماد دیالو نے برابر کر دیا، تاہم ارلنگ ہالینڈ نے 86ویں منٹ میں فاتحانہ گول کرکے ٹیم کو اگلے مرحلے میں پہنچا دیا۔
مزید پڑھیں:میسی نے فیفا ورلڈ کپ میں کون کونسے ریکارڈ اپنے نام کرلیے؟ گنیز بک آف ورلڈ ریکارڈ نے تفصیل جاری کردی
ناروے اب پری کوارٹر فائنل میں برازیل سے ٹکرائے گا، جبکہ ہالینڈ کے ٹورنامنٹ میں گولوں کی تعداد 5 ہو گئی ہے، اور وہ ایمباپے اور میسی کے بعد ٹاپ اسکوررز کی فہرست میں شامل ہیں۔
