امریکا، کینیڈا اور میکسیکو میں جاری فیفا ورلڈ کپ 2026 کے ناک آؤٹ مرحلے کے آغاز کے ساتھ ہی سب سے زیادہ گول کرنے والے کھلاڑی کا ’گولڈن بوٹ‘ ایوارڈ جیتنے کی دوڑ بھی انتہائی دلچسپ اور سنسنی خیز مرحلے میں داخل ہو گئی ہے۔ فرانس کے مایہ ناز فارورڈ کالیان ایمباپے اور ارجنٹائن کے عظیم فٹبالر لیونل میسی اس وقت برابر گولز کے ساتھ اس فہرست میں سب سے آگے ہیں، جبکہ دنیا کے دیگر بہترین اسٹرائیکرز بھی ان کا تعاقب کر رہے ہیں۔ ٹورنامنٹ کے اگلے اہم میچز میں ان دونوں اسٹارز کی کارکردگی پر پوری دنیا کی نظریں جمی ہوئی ہیں۔
🚨🚨| JUST IN: Kylian Mbappé moves to 5 Golden Boot goals at the 2026 FIFA World Cup — just 𝐎𝐍𝐄 𝐁𝐄𝐇𝐈𝐍𝐃 leader Lionel Messi (6). 🥾🇫🇷 pic.twitter.com/swZnWaW4Tl
— CentreGoals. (@centregoals) June 30, 2026
گولڈن بوٹ کی دوڑ میں کون سب سے آگے ہے؟
ورلڈ کپ 2026 میں اب تک فرانس کے کالیان ایمباپے 6 گول اور 2 اسسٹس (گول کرنے میں مدد) کے ساتھ پہلے نمبر پر موجود ہیں، جبکہ ارجنٹائن کے لیونل میسی بھی 6 گول کر کے ان کے بالکل برابر ہیں۔ ایمباپے نے قطر ورلڈ کپ 2022 میں بھی 8 گول کر کے یہ اعزاز اپنے نام کیا تھا اور وہ مسلسل دوسری بار اسے جیتنے کے لیے پرعزم ہیں۔ دوسری جانب ناروے کے نوجوان اسٹار ارلنگ ہالینڈ 5 گول کے ساتھ دوسرے اور برازیل کے ونیسیئس جونیئر 4 گولز کے ساتھ اس ریس میں شامل ہیں۔
یہ بھی پڑھیں:فیفا ورلڈ کپ: ڈی آر کانگو نے تاریخ رقم کردی، انگلینڈ گروپ چیمپئن، کروشیا بھی کامیاب
گولڈن بوٹ ایوارڈ کا فیصلہ کیسے ہوتا ہے؟
فیفا کے قوانین کے مطابق یہ ایوارڈ ٹورنامنٹ کے اختتام پر سب سے زیادہ گول کرنے والے کھلاڑی کو دیا جاتا ہے۔ اگر 2 یا 2 سے زیادہ کھلاڑیوں کے گولز کی تعداد برابر ہو جائے، تو فیصلہ ‘اسسٹس’ کی بنیاد پر کیا جاتا ہے، یعنی جس کھلاڑی نے گول کرنے میں ساتھیوں کی زیادہ مدد کی ہو اسے فاتح قرار دیا جاتا ہے۔ اگر اسسٹس بھی برابر ہوں، تو یہ دیکھا جاتا ہے کہ کس کھلاڑی نے میدان میں کم وقت (منٹس) گزار کر یہ ہدف حاصل کیا۔ فٹبال کی تاریخ میں اب تک کوئی بھی کھلاڑی 2 بار یہ ایوارڈ نہیں جیت سکا، تاہم ایمباپے، ہیری کین اور جیمز روڈریگز اس سال یہ ریکارڈ توڑنے کی کوشش میں ہیں۔
🚨 𝗢𝗙𝗙𝗜𝗖𝗜𝗔𝗟: Kylian Mbappé has now scored 6 goals at the World Cup, equalling Leo Messi in the Golden Boot race.
6 — Lionel Messi 🇦🇷
6 — Kylian Mbappé 🇫🇷
5 — Erling Haaland 🇳🇴
4 — Ousmane Dembélé 🇫🇷
4 — Vinícius Júnior 🇧🇷This is without doubt, the GREATEST race for the… pic.twitter.com/YkYDcHwr6F
— Football Tweet ⚽ (@Footballtweet) June 30, 2026
کرسٹیانو رونالڈو کی پوزیشن اور تاریخی ریکارڈز
پرتگال کے تجربہ کار کپتان کرسٹیانو رونالڈو بھی اس ریس میں شامل ہیں، تاہم وہ اب تک صرف 2 گول کر سکے ہیں جو انہوں نے ازبکستان کے خلاف میچ میں کیے تھے۔ پرتگال کو ٹورنامنٹ میں آگے بڑھنے کے لیے اپنے کپتان سے مزید بہتر کارکردگی کی امید ہے۔
اگر ورلڈ کپ کی تاریخ پر نظر ڈالی جائے تو ایک ہی ٹورنامنٹ میں سب سے زیادہ گول کرنے کا ریکارڈ فرانس کے جسٹ فونٹین کے پاس ہے جنہوں نے 1958 میں 13 گول کیے تھے۔ تاہم، مجموعی طور پر ورلڈ کپ کی تاریخ میں اب لیونل میسی 19 گولز کے ساتھ سرِفہرست ہیں جبکہ کالیان ایمباپے 18 گولز کے ساتھ دوسرے نمبر پر ہیں۔
