اسلام آباد پولیس نے موٹر سائیکل چوری میں ملو3 ارکان کو گرفتار کرکے لاکھوں روپے مالیت کے 6 مسروقہ موٹر سائیکل برآمد کر لیے۔ پولیس کا کہنا ہے کہ شہریوں کے قیمتی اثاثوں کے تحفظ کے لیے جرائم پیشہ عناصر کے خلاف بلاامتیاز کارروائیاں جاری رہیں گی۔
ترجمان اسلام آباد پولیس کے مطابق دارالحکومت میں جرائم پیشہ عناصر کے خلاف منظم، مربوط اور مؤثر کارروائیوں کا سلسلہ جاری ہے۔ اینٹی موٹر سائیکل لفٹنگ یونٹ نے کارروائی کرتے ہوئے موٹر سائیکل چوری میں ملوث ایک منظم گروہ کے تین ارکان کو گرفتار کر لیا۔
پولیس کے مطابق گرفتار ملزمان کی شناخت سلامت علی، بلال احمد اور افراد شاہ کے ناموں سے ہوئی ہے۔ ملزمان کے قبضے سے لاکھوں روپے مالیت کے 6 مسروقہ موٹر سائیکل بھی برآمد کر لیے گئے ہیں۔
یہ بھی پڑھیں:گھریلو ناچاقی پر 2خواتین کا قتل، اسلام آباد پولیس نے 48 گھنٹوں میں ملزمان گرفتار کرلیے
ایس ایس پی سیکیورٹی آپریشنز سلیمان ظفر نے کہا کہ گرفتار ملزمان کے خلاف تمام قانونی تقاضے پورے کرتے ہوئے انہیں قرار واقعی سزا دلوائی جائے گی۔
انہوں نے کہا کہ شہریوں کو ان کے قیمتی اثاثوں سے محروم کرنے والے عناصر کے خلاف بلاامتیاز کارروائیاں جاری رکھی جائیں گی، جبکہ موٹر سائیکل چوری میں ملوث منظم اور متحرک گینگز کے خلاف بڑے پیمانے پر کریک ڈاؤن بھی جاری ہے۔ پولیس کا کہنا ہے کہ دارالحکومت میں امن و امان کے قیام اور شہریوں کے جان و مال کے تحفظ کے لیے ایسے جرائم پیشہ عناصر کے خلاف کارروائیوں میں مزید تیزی لائی جائے گی۔
