وفاقی دارالحکومت اسلام آباد کے پمز اسپتال میں آتشزدگی کے واقعے کے بعد اسلام آباد میں پی ٹی آئی دور حکومت کے دوران پیش آنے والے مختلف آتشزدگی کے واقعات کی تفصیلات بھی سامنے آگئیں۔
رپورٹ کے مطابق 24 اکتوبر 2018 کو پی آئی ڈی بلڈنگ اسلام آباد میں آتشزدگی کا واقعہ پیش آیا۔
اسی طرح 29 اکتوبر 2019 کو ایچ 9 بازار میں آگ لگنے کے واقعے کا حوالہ دیا گیا ہے۔
رپورٹ میں 17 فروری 2020 کو پارلیمنٹ لاجز میں پیش آنے والے آتشزدگی کے واقعے کو بھی شامل کیا گیا ہے۔
مزید بتایا گیا ہے کہ 29 دسمبر 2021 کو غوثیہ پلازا میں بھی آگ لگنے کا واقعہ پیش آیا۔
رپورٹ میں مارگلہ ہلز میں بار بار آتشزدگی کے واقعات کا بھی ذکر کیا گیا ہے، جس کے مطابق صرف مارگلہ ہلز میں مئی 2021 کے اختتام تک 32 آتشزدگی کے واقعات ریکارڈ کیے گئے۔
دوسری جانب پمز کے حالیہ واقعے کو آتشزدگی کا ایک واقعہ قرار دیتے ہوئے کہا گیا ہے کہ اس کی بنیاد پر سوشل میڈیا پر مہم چلائی جارہی ہے۔
رپورٹ میں کہا گیا ہے کہ پی ٹی آئی کے حامی اور سوشل میڈیا ٹرولز اس مہم کو آگے بڑھا رہے ہیں۔
رپورٹ کے مطابق پی ٹی آئی دور میں متعدد آتشزدگی کے واقعات پیش آنے کے باوجود اس طرح کا ردعمل نہیں دیا گیا، جبکہ موجودہ پمز واقعے پر سوشل میڈیا پر منظم مہم چلائی جارہی ہے۔
