امریکا کے یومِ آزادی کی تقریبات کے دوران نیویارک کے علاقے کونی آئی لینڈ میں فائرنگ کے واقعے میں 4 بچوں سمیت کم از کم 8 افراد زخمی ہو گئے۔
امریکی نشریاتی ادارے اے بی سی نیوز کے مطابق واقعہ ہفتہ کی رات تقریباً 10 بج کر 37 منٹ پر بروکلین کے علاقے ویسٹ 31 ویں اسٹریٹ پر پیش آیا، جہاں فائرنگ کی اطلاع ملنے پر نیویارک پولیس کی ٹیمیں فوری طور پر موقع پر پہنچ گئیں۔
یہ بھی پڑھیں: واشنگٹن میں 250ویں یومِ آزادی کی تقریب، ٹرمپ کا مخالفت کے باوجود خطاب
رپورٹ کے مطابق زخمیوں میں 2 مرد، 2 خواتین اور 4 بچے شامل ہیں، جن کی عمریں 14، 12، 7 اور 6 سال ہیں۔
پولیس کے مطابق تمام زخمیوں کو مختلف اسپتالوں میں منتقل کر دیا گیا ہے۔
NOW: Five people were shot Saturday night in Coney Island, Brooklyn, victims included a 5-year-old and a 7-year-old, according to NBC4 .
The shooting happened on Surf Avenue and W 30th street.
Video by Lloyd Mitchell | Licensing @FreedomNTV [email protected] pic.twitter.com/zYaaLV3rBw
— Oliya Scootercaster 🛴 (@ScooterCasterNY) July 5, 2026
زخمیوں میں سے 7 افراد کی حالت خطرے سے باہر اور مستحکم بتائی جا رہی ہے، جبکہ 21 سالہ خاتون کی حالت تشویشناک ہے۔
مزید پڑھیں: امریکا کی 250ویں سالگرہ، پاکستان کی تاریخی عمارتوں پر دوستی کے رنگ
نیویارک پولیس نے جائے وقوعہ سے ایک آتشیں اسلحہ برآمد کر لیا ہے، تاہم تاحال کسی مشتبہ شخص کو گرفتار نہیں کیا گیا۔
واضح رہے کہ ہفتہ کے روز امریکا نے اپنی آزادی کی 250ویں سالگرہ منائی، جس کے موقع پر ملک بھر میں مختلف تقریبات کا انعقاد کیا گیا۔
