پی ٹی آئی کے سرگرم کارکن کے والد نے عوام کے نام اپنے پیغام میں کہا ہے کہ پی ٹی آئی ان کے بچوں کا مستقبل تباہ کررہی ہے لہذا اپنے بچوں پر نظر رکھیں اور انہیں ملک دشمن سازشوں کا آلہ کار بننے سے بچائیں۔
اس ضمن میں خیبر پختونخوا کے ضلع کوہاٹ کے رہائشی اسلام جانان نے اپنے ویڈیو پیغام میں بتایا ہے کہ ان کا یونیورسٹی میں زیر تعلیم بیٹا اسامہ پی ٹی آئی کا سرگرم کارکن تھا تاہم 9 مئی کے واقعات کے بعد انہوں نے اسے سمجھایا کہ یہ لوگ ملک اور اداروں کے خلاف ہیں۔
اسلام جانان کے مطابق ان کا بیٹا اسامہ آئندہ کسی بھی پارٹی کا حصہ نہیں بنےگا۔ پی ٹی آئی ہمارے بچوں کا مستقبل تباہ کر رہی ہے۔
انہوں نے عوام سے اپیل کی ہے کہ وہ اپنے بچوں پر نظر رکھیں تا کہ کل کوئی بھی بچہ ملک اور اداروں کے خلاف سازش میں ملوث نہ ہو۔
