حکومتی کارکردگی میں بہتری اور انتظامی اصلاحات کے لیے قائم کمیٹی نے وفاقی سیکریٹریٹ کی تنظیم نو، ای آفس نظام کی اپ گریڈیشن اور فیصلہ سازی کے عمل کو مؤثر بنانے سمیت مختلف اہم تجاویز کو حتمی شکل دے دی ہے۔
نائب وزیراعظم اور وزیر خارجہ سینیٹر محمد اسحاق ڈار کی زیر صدارت حکومتی کارکردگی اور استعداد کار میں بہتری سے متعلق کمیٹی کا اجلاس ہوا، جس میں وفاقی نظامِ حکومت کو مزید مؤثر بنانے کے لیے مختلف اصلاحاتی تجاویز کو حتمی شکل دے دی گئی۔
ترجمان دفتر خارجہ کے مطابق اجلاس میں کمیٹی کے 5 ذیلی ورکنگ گروپس کی جانب سے پیش کی گئی قابلِ عمل سفارشات پر تفصیلی غور کیا گیا۔ ان سفارشات میں وفاقی سیکریٹریٹ کی تنظیم نو، ای آفس نظام کو فیصلہ سازی کے جدید عمل میں تبدیل کرنا، ایم ایس ونگ کی تشکیل نو، پرفارمنس ایویلیوایشن رپورٹ (PER) نظام میں اصلاحات اور تیار کرنا شامل ہے۔
یہ بھی پڑھیے شہباز حکومت کی ایک سالہ کارکردگی، حکومتی دعوؤں میں کتنی حقیقت ہے؟
اجلاس میں فیصلہ کیا گیا کہ ان سفارشات کو حتمی منظوری کے لیے وزیراعظم کو پیش کیا جائے گا۔
اجلاس میں وفاقی وزیر پیٹرولیم، وزیر آئی ٹی و ٹیلی کمیونیکیشن، معاون خصوصی وزیراعظم طارق باجوہ، وفاقی سیکریٹریز کابینہ، اسٹیبلشمنٹ، اقتصادی امور، ٹیلی کمیونیکیشن اور دیگر متعلقہ حکام نے شرکت کی۔
یہ بھی پڑھیے پائیدار ترقی کے لیے ڈھانچہ جاتی اصلاحات ناگزیر ہیں، حکومتی معاشی ٹیم کی مشترکہ پریس کانفرنس
کمیٹی نے حکومتی اداروں کی کارکردگی بہتر بنانے، فیصلہ سازی کے عمل کو تیز کرنے اور انتظامی ڈھانچے کو جدید تقاضوں سے ہم آہنگ کرنے کے لیے مختلف اصلاحاتی اقدامات کا جائزہ لیا۔
