افغانستان میں آزادانہ انتخابات ہوں تو طالبان شکست کھا جائیں گے، احمد مسعود کا دعویٰ

افغانستان کے نیشنل ریزسٹنس فرنٹ (این آر ایف) کے سربراہ احمد مسعود نے طالبان مخالف قوتوں میں اختلافات کے تاثر کو مسترد کرتے ہوئے کہا ہے کہ وہ مشترکہ اصولوں اور قومی مقاصد پر متحد ہیں۔ ان کا کہنا تھا کہ اگر افغانستان میں آزاد اور شفاف انتخابات کرائے جائیں تو طالبان عوامی حمایت رکھنے والے سیاسی رہنماؤں کا مقابلہ نہیں کر سکیں گے۔

نیشنل ریزسٹنس فرنٹ (این آر ایف) کے رہنما احمد مسعود نے کہا ہے کہ طالبان مخالف قوتوں کو تقسیم شدہ اور کمزور ظاہر کرنے کی کوششیں افغان عوام اور عالمی برادری میں مایوسی پھیلانے کے لیے کی جا رہی ہیں، حالانکہ حقیقت اس کے برعکس ہے۔

Ahmad Massoud Says Anti-Taliban Leaders Would Defeat Taliban in Free Elections

NRF leader Ahmad Massoud said the Taliban would lose if Afghanistan held free and fair elections. He rejected claims of divisions among anti-Taliban groups and called for a transitional government… pic.twitter.com/X4HB0XnPCu

— Afghan Times (@AfghanTimes7) July 11, 2026

انہوں نے سابق جہادی کمانڈر سید حسین انوری کی وفات کی دسویں برسی کے موقع پر منعقدہ آن لائن تقریب سے خطاب کرتے ہوئے کہا کہ طالبان مخالف تمام سیاسی جماعتیں اور تحریکیں مشترکہ اصولوں، اقدار اور قومی مفادات پر متحد ہیں۔ انہوں نے ان حلقوں پر زور دیا کہ وہ اختلافات سے متعلق بیانیے سے ہوشیار رہیں۔

احمد مسعود کا کہنا تھا کہ اگر افغانستان میں حقیقی معنوں میں آزاد، شفاف اور غیر جانبدار انتخابات منعقد ہوں اور عوام کو آزادانہ ووٹ ڈالنے کا موقع ملے تو طالبان کو نمایاں عوامی حمایت رکھنے والے سیاسی رہنماؤں کے مقابلے میں شکست کا سامنا کرنا پڑے گا۔

یہ بھی پڑھیں:طالبان اب بھی امریکی شہریوں کو یرغمال بنا رہے ہیںِ، امریکی محکمہ خارجہ

انہوں نے سابق افغان نائب صدر عبدالرشید دوستم کی مثال دیتے ہوئے کہا کہ کیا یہ ممکن ہے کہ مارشل دوستم انتخابات میں حصہ لیں اور طالبان کا امیدوار ان سے زیادہ ووٹ حاصل کر لے؟ ان کے بقول ایسا ہونا ناممکن ہے۔

طالبان حکومت کا کوئی متبادل موجود نہ ہونے کے دعوؤں کو مسترد کرتے ہوئے احمد مسعود نے کہا کہ متبادل کسی ایک شخصیت کا نام نہیں بلکہ ایک آئینی اور قومی سیاسی عمل ہے۔ ان کے مطابق اس عمل میں عبوری حکومت کا قیام، نئے آئین کی تیاری، لویہ جرگہ کا انعقاد اور آزاد انتخابات کے ذریعے ایسی حکومت کا قیام شامل ہونا چاہیے جسے افغانستان کے تمام شہری قبول کریں۔

Ahmad Massoud Calls on Pakistan to Support Anti-Taliban Resistance Front PARIS — Ahmad Massoud, leader of Afghanistan’s National Resistance Front (NRF), has called on Pakistan to support his group in opposing…
Click Below To Read Morehttps://t.co/H4T0auQ8nr pic.twitter.com/AyBj6GCs1m

— Sedayedarya TV/E (@Sedayedary_tv_e) July 11, 2026

انہوں نے کہا کہ گزشتہ 5 برسوں کے دوران افغانستان سیاسی، سیکیورٹی اور سماجی بحرانوں سے دوچار رہا ہے۔ اس عرصے میں جلاوطنی اختیار کرنے والے طالبان مخالف رہنماؤں اور سیاسی گروپوں نے مختلف کانفرنسوں اور سیاسی اقدامات کے ذریعے متبادل سیاسی نظام کی تشکیل کی کوششیں کیں، تاہم اب تک وہ کوئی وسیع، متحد اور مؤثر اتحاد یا طالبان کے متبادل قابلِ عمل سیاسی ڈھانچہ تشکیل دینے میں کامیاب نہیں ہو سکے ہیں۔