یوکرین کے صدر ولادیمیر زیلنسکی یورپی رہنماؤں کے ساتھ ایک اجلاس کے دوران پانی کی بوتل کا ڈھکن کھولنے کی وجہ سے سوشل میڈیا پر موضوعِ بحث بن گئے۔
غیرملکی میڈیا کے مطابق پریس بریفنگ کے دوران زیلنسکی نے پلاسٹک کی پانی کی بوتل کا ڈھکن کھول کر میز پر رکھ دیا، حالانکہ یورپی یونین کے قواعد کے مطابق ایسے ڈھکن بوتل سے جڑے رہنے چاہییں۔
یہ بھی پڑھیں: یوکرین میں بڑی سیاسی تبدیلی، صدر زیلنسکی نے وزیراعظم یولیا سویریڈینکو کو ہٹانے کا فیصلہ کر لیا
یہ منظر سوشل میڈیا پر تیزی سے وائرل ہوگیا، جہاں صارفین نے اس پر دلچسپ تبصرے کیے۔ بعض نے طنزیہ انداز میں کہا کہ یورپی یونین میں شمولیت کا خواہش مند یوکرین شاید ماحولیاتی قوانین سے متعلق ہدایات پڑھنا بھول گیا ہے۔
🇺🇦🇪🇺‼️🚨 Zelensky committed a serious crime in the EU … which might be his end
Zelensky … he … ripped off the bottle cap … the famous EU bottle cap, that can not be ripped off without consequences.
— Lord Bebo (@MyLordBebo) July 14, 2026
کئی صارفین نے مزاحیہ انداز میں لکھا کہ یہ ‘بڑا جرم’ ہے، جبکہ ایک صارف نے تبصرہ کیا کہ ‘اس ایک حرکت نے یوکرین کی یورپی یونین میں شمولیت 15 سال پیچھے دھکیل دی۔’ ایک اور صارف نے لکھا، ‘اب یورپی یونین کی حمایت بھی ختم ہو جائے گی، آخر انہوں نے ایسا کیسے کردیا؟‘
یہ بھی پڑھیں:زیلنسکی کا امریکا سے چیچن صدر کو اغوا کرنے کا مطالبہ، رمضان قادروف کا سخت ردِعمل
اس وائرل واقعے کی اصل وجہ یورپی یونین کا سنگل یوز پلاسٹک سے متعلق قانون ہے، جس کے تحت مشروبات کی پلاسٹک بوتلوں کے ڈھکن بوتل سے مستقل طور پر منسلک ہونا لازمی ہے۔
یہ قانون جولائی 2025 سے نافذ ہے اور اس کا مقصد پلاسٹک آلودگی میں کمی، ماحول کا تحفظ اور سمندری حیات کو نقصان سے بچانا ہے۔
تاہم یوکرین یورپی یونین کا رکن نہیں، اس لیے یہ قواعد اس پر لاگو نہیں ہوتے۔
