وزیراعظم محمد شہباز شریف اور اقوام متحدہ کے سیکریٹری جنرل کے عہدے کی نامور امیدوار اور اقوام متحدہ میں گیانا کی مستقل مندوب کیرولن روڈریگز برکیٹ کے درمیان اہم ٹیلی فونک گفتگو ہوئی ہے، جس میں عالمی امن، اقوام متحدہ کے چارٹر کے اصولوں اور بین الاقوامی تعاون پر تفصیلی تبادلہ خیال کیا گیا۔
اقوام متحدہ کا چارٹر اور قراردادوں پر عملدرآمد ناگزیر ہے، وزیراعظم
ٹیلی فونک گفتگو کے دوران وزیراعظم شہباز شریف نے کثیر الجہتی نظام کو مضبوط بنانے کے حوالے سے پاکستان کی ترجیحات کو واضح کیا۔
Had a productive telephone conversation with Ms. Carolyn Rodrigues-Birkett, candidate for the position of UN Secretary-General.
Reaffirmed Pakistan’s steadfast support for a stronger, more effective United Nations and the centrality of multilateralism in addressing today’s…
— Shehbaz Sharif (@CMShehbaz) July 15, 2026
انہوں نے زور دیا کہ دنیا میں پائیدار امن کے قیام کے لیے اقوام متحدہ کے چارٹر کے مقاصد اور اصولوں کی پاسداری ہر صورت ہونی چاہیے۔
یہ بھی پڑھیں:اقوام متحدہ کے سیکریٹری جنرل کی امیدوار ماریہ فرنینڈا ایسپینوسا کی وزیراعظم سے ملاقات، عالمی امن کے فروغ پر اتفاق
وزیراعظم کا کہنا تھا کہ اقوام متحدہ کی قراردادوں اور بین الاقوامی معاہدوں پر دیانتداری سے عمل درآمد ہی دنیا کو بحرانوں سے نکال سکتا ہے۔
انہوں نے عالمی ترقیاتی ایجنڈے کے حصول کے لیے ممالک کے درمیان باہمی تعاون کو مزید وسیع کرنے کی ضرورت پر بھی روشنی ڈالی۔
اقوام متحدہ کے امور میں پاکستان کا کردار لائقِ تحسین ہے، کیرولن روڈریگز
اقوام متحدہ کے سیکریٹری جنرل کے عہدے کی امیدوار کیرولن روڈریگز برکیٹ نے رابطہ کرنے پر وزیراعظم شہباز شریف کا شکریہ ادا کیا۔
انہوں نے علاقائی امن و استحکام کے لیے وزیراعظم کی ذاتی کوششوں اور دور اندیش قیادت کو بے حد سراہا۔ انہوں نے اعتراف کیا کہ عالمی فورمز اور اقوام متحدہ کے امور میں پاکستان کا کردار ہمیشہ انتہائی تعمیری اور گراں قدر رہا ہے۔
