پاکستان انٹرنیشنل ایئرلائنز (پی آئی اے) نے دہری شہریت کے حامل پاکستانیوں کے لیے سفر سے متعلق سخت ہدایات جاری کر دی ہیں۔
امیگریشن حکام کی جانب سے جاری کردہ نئی گائیڈ لائنز کے مطابق اب بیرون ملک سے پاکستان آنے والے دہری شہریت کے حامل افراد کے لیے اپنی سفری دستاویزات کو بروقت اپ ڈیٹ رکھنا لازمی قرار دیا گیا ہے، تاکہ سفر کے دوران کسی بھی ممکنہ پریشانی سے بچا جا سکے۔
Special Advisory for Pakistanis 🇵🇰 holding dual nationalities. pic.twitter.com/TmCIKWxxN5
— PIA (@Official_PIA) July 16, 2026
دستاویزات کی تصدیق لازمی قرار
پی آئی اے کی جانب سے جاری کردہ اعلامیے کے مطابق، دہری شہریت رکھنے والے تمام مسافروں کے پاس سفر کے دوران درج ذیل میں سے کوئی ایک دستاویز ہونا لازمی ہے۔
یہ بھی پڑھیں:ساؤتھ ایئر کی کراچی سے تربت، کوئٹہ، بہاولپور اور اسلام آباد کے لیے سروس شروع
درست اور کارآمد نیشنل آئی ڈنٹٹی کارڈ فار اوورسیز پاکستانیز (نائیکوپ )، پاکستان کا درست ویزا، پاکستان کا کارآمد پاسپورٹ۔
ایکسپائر دستاویزات کے ساتھ سفر پر پابندی
ایئرلائن انتظامیہ نے واضح کیا ہے کہ وہ مسافر جو ایکسپائر پاسپورٹ، منسوخ شدہ یا معیاد ختم ہونے والا شناختی کارڈ اور ایکسپائر پی او سی کے ساتھ سفر کرنے کی کوشش کریں گے، انہیں پاکستان کے لیے سفر کرنے کی اجازت نہیں دی جائے گی۔
مزید پڑھیں:اسحاق ڈار کی زیرصدارت اجلاس، اوورسیز پاکستانیوں کو فوری اور مؤثر معاونت فراہم کرنے پر زور
حکام نے مسافروں کو ہدایت کی ہے کہ وہ سفر کا ارادہ کرنے سے پہلے اپنے تمام سفری دستاویزات کی مدتِ ختم ہونے کی تاریخوں کی اچھی طرح جانچ پڑتال کر لیں۔
ٹائمیٹک میں اپ ڈیٹ کا عمل
امیگریشن حکام کی ہدایات کی روشنی میں، بین الاقوامی سفری ڈیٹا بیس ’ٹائمیٹک‘ کو 17 جولائی کو شب 12 بجے (پاکستان سٹینڈرڈ ٹائم) سے اپ ڈیٹ کر دیا گیا ہے۔
اس اپ ڈیٹ کے بعد سے کسی بھی پرانی یا غیر تصدیق شدہ دستاویزات پر مسافروں کو بورڈنگ سے روکا جا سکتا ہے۔
