امریکا اس وقت موسمِ گرما کے دوران بیک وقت 3 بڑے قدرتی خطرات کی لپیٹ میں ہے، جہاں مشرقی ریاستیں کینیڈا کے جنگلاتی دھوئیں سے متاثر ہیں، ٹیکساس میں شدید بارشوں اور سیلاب نے تباہی مچا رکھی ہے، جبکہ مغربی علاقوں میں جنگلات کی آگ تیزی سے پھیل رہی ہے۔ ماہرین کا کہنا ہے کہ ان تینوں آفات کا ایک ہی وقت میں رونما ہونا موسمیاتی تبدیلی کے بڑھتے ہوئے اثرات کی واضح علامت ہے۔
مزید پڑھیں:بلوچستان ہائیکورٹ کے جج کے امیدوار ایڈووکیٹ سلیم لاشاری پر اعتراضات سامنے آگئے
کینیڈا میں لگنے والی جنگلاتی آگ کا دھواں امریکی مشرقی اور شمال مشرقی علاقوں تک پہنچ گیا ہے، جس کے باعث 10 کروڑ سے زائد افراد آلودہ فضا سے متاثر ہوئے ہیں۔ متعدد شہروں میں شہریوں کو غیر ضروری طور پر گھروں سے باہر نہ نکلنے کی ہدایت کی گئی، جبکہ شکاگو دنیا کے بدترین فضائی آلودگی والے شہروں میں شامل ہو گیا۔
دوسری جانب ریاست ٹیکساس میں شدید بارشوں کے نتیجے میں بعض علاقوں میں 27 انچ سے زیادہ بارش ریکارڈ کی گئی، جس سے اچانک سیلاب آ گئے، جانی نقصان ہوا اور کئی مقامات پر دریا اب بھی خطرناک سطح پر بہہ رہے ہیں۔ امدادی کارروائیاں جاری ہیں جبکہ مزید سیلاب کے خدشات بھی ظاہر کیے جا رہے ہیں۔
🚨 #الولايات_المتحدة :
فيضانات كارثية تضرب وسط تكساسأنقذت فرق الطوارئ أكثر من 200 شخص حاصرتهم السيول في مناطق وسط تكساس، فيما أسفرت الأمطار الغزيرة عن مقتل شخصين على الأقل، إلى جانب أضرار واسعة في البنية التحتية.#Texas #FlashFlood #Flood #USA #Weather #Rescue #Emergency pic.twitter.com/bIr4TxZk6y
— طقس_العالم ⚡️ (@Arab_Storms) July 17, 2026
ادھر امریکا کے مغربی حصے، خصوصاً بحرالکاہل کے شمال مغربی علاقوں میں خشک موسم، قحط اور برفباری میں کمی کے باعث جنگلاتی آگ تیزی سے پھیل رہی ہے۔ حکام کے مطابق 15 ریاستوں میں کم از کم 68 بڑی آگ بھڑک رہی ہیں، جن پر قابو پانے کے لیے 17 ہزار سے زائد اہلکار تعینات کیے گئے ہیں۔ رواں سال اب تک قریباً 37 لاکھ 20 ہزار ایکڑ رقبہ جل چکا ہے، جو گزشتہ سال کے اسی عرصے کے مقابلے میں ایک ملین ایکڑ سے بھی زیادہ ہے۔
مزید پڑھیں:شدید گرمی نے یورپ کے جنگلوں میں آگ لگادی، ہزاروں افراد نقل مکانی پر مجبور
ماہرین موسمیات کے مطابق فضا میں غیر معمولی حد تک سست رفتار جیٹ اسٹریم (Jet Stream) کے باعث مختلف علاقوں میں ایک ہی قسم کے موسمی حالات طویل عرصے تک برقرار رہے، جس سے کہیں شدید بارشیں اور سیلاب آئے تو کہیں گرمی، خشکی اور آگ کی شدت میں اضافہ ہوا۔ ماہرین کا کہنا ہے کہ انسانی سرگرمیوں سے پیدا ہونے والی موسمیاتی تبدیلی ایسے انتہائی موسمی واقعات کو مزید شدید اور بار بار رونما ہونے کا سبب بن رہی ہے۔
