اقوام متحدہ میں پاکستان کے مستقل مشن نے کہا ہے کہ فیفا ورلڈ کپ 2026 کی آفیشل فٹبال تیار کرنے والا پاکستان کھیلوں کی طاقت کے ذریعے اقوام کو ایک دوسرے کے قریب لا رہا ہے۔ وزیراعظم یوتھ پروگرام کے چیئرمین رانا مشہود احمد خان نے اقوام متحدہ اور فیفا کے مشترکہ پروگرام میں پاکستان کی نمائندگی کی۔
اقوام متحدہ میں پاکستان کے مستقل مشن کے مطابق وزیراعظم یوتھ پروگرام کے چیئرمین رانا مشہود احمد خان نے نیویارک میں اقوام متحدہ کے یوتھ آفس اور فیفا کے اشتراک سے منعقدہ تقریب ’ون ورلڈ، ون گیم، ون گول: نوجوانوں کی ذہنی صحت اور فلاح و بہبود کے لیے فٹبال بطور محرک‘ میں پاکستان کی نمائندگی کی۔
Pakistan, the manufacturer of the official World Cup Football 2026, is using the power of sports to bring nations together
Rana Mashhood Ahmad Khan, Chairman of the Prime Minister's Youth Programme, proudly represented Pakistan at the “One World, One Game, One Goal: Football as… pic.twitter.com/oovnIY7vjN
— Permanent Mission of Pakistan to the UN (@PakistanUN_NY) July 17, 2026
تقریب میں نوجوانوں کی ذہنی صحت، سماجی ہم آہنگی اور عالمی یکجہتی کے فروغ میں کھیلوں، خصوصاً فٹبال، کے کردار پر تبادلہ خیال کیا گیا۔
اقوام متحدہ میں پاکستان کے مستقل مشن نے اپنے بیان میں کہا کہ فیفا ورلڈ کپ 2026 کی آفیشل فٹبال تیار کرنے والا پاکستان کھیلوں کی طاقت کے ذریعے دنیا بھر کی اقوام کو جوڑنے میں اپنا کردار ادا کر رہا ہے۔
یہ بھی پڑھیں:اقوامِ متحدہ میں انٹرنیشنل فٹبال ڈے 2026 کی تقریب، پاکستانی فٹبال مرکزِ توجہ بن گئی
مشن کے مطابق رانا مشہود احمد خان نے اس موقع پر نوجوانوں کی فلاح، ذہنی صحت اور کھیلوں کے فروغ کے لیے پاکستان کے عزم کو اجاگر کیا اور عالمی سطح پر نوجوانوں کو مثبت سرگرمیوں کے ذریعے بااختیار بنانے کی ضرورت پر زور دیا۔
