تیاریاں مکمل نہ ہونے کی وجہ سے بلوچستان کا آئندہ مالی سال کا بجٹ 16 جون کی بجائے اب 19 جون کو پیش کیا جائے گا۔
محکمہ خزانہ بلوچستان نے آئندہ مالی سال کے بجٹ کی تیاری سے متعلق حکومت سے مزید وقت مانگ لیا ہے۔
اسمبلی سیکریٹریٹ کی جانب سے جاری نوٹیفکیشن کے مطابق بلوچستان کے آئندہ مالی سال کے بجٹ اجلاس کی تاریخ تبدیل کرتے ہوئے گورنر بلوچستان نے اسمبلی اجلاس 19جون کو دن 3 بجے طلب کرلیا۔
In exercise of the powers conferred by Article 109(a) of the Constitution of Islamic Republic of Pakistan, 1973, Malik Abdul Wali Kakar, Governor Balochistan, has summoned the @PaBalochistan to meet on Monday, the 19th June, 2023 at 4:00 p.m. instead of 16th June, 2023. pic.twitter.com/3CHC4G4tpZ
— Provincial Assembly of Balochistan (@PaBalochistan) June 15, 2023
واضح رہے کہ اس سے قبل بلوچستان اسمبلی کا بجٹ اجلاس 16جون کو طلب کیا گیا تھا تاہم اب اس تاریخ کو 19 جون تک بڑھا دیا گیا ہے۔
بجٹ اجلاس کی تاریخ میں تبدیلی سے متعلق اراکین بلوچستان اسمبلی،وزیراعلی ہاؤس سمیت دیگر محکموں کو مراسلے ارسال کریے گئے ہیں۔
محکمہ خزانہ ذرائع کے مطابق بجٹ اجلاس سے متعلق کاپیوں سمیت دیگر تیاریوں کو حتمی شکل نہ دی جاسکی جس کی وجہ سے بلوچستان کا مالی سال 2023-24 کا بجٹ تاخیر سے پیش کیا جا رہا ہے۔
دوسری جانب بلوچستان کے سیاسی حلقوں کا کہنا ہے کہ اپوزیشن اراکین اسمبلی کو من پسند ترقیاتی اسکیمیں نہ ملنے کی وجہ سے بھی بجٹ بنانے میں تاخیر کا سامنا کرنا پڑ رہا ہے۔
