کراچی کے میئر اور ڈپٹی میئر کے انتخاب میں پی ٹی آئی چیئرمین اور وائس چیئرمین کیوں نہیں پہنچے؟ پی ٹی آئی سندھ کے صدر حلیم عادل شیخ کے احکامات پر 11 رکنی تحقیقاتی کمیٹی قائم کر دی گئی۔
کمیٹی کا نوٹیفکیشن سندھ کے جنرل سیکرٹری ایڈووکیٹ علی پلھ کے دستخطوں سے جاری ہوا ہے، کراچی کے پارلیمانی لیڈروں پر مشتمل 11 رکنی کمیٹی میں مبشر حسن کا اضافہ کیا گیا ہے۔
کمیٹی کل شام پانچ بجے تک تحقیقات کے بعد رپورٹ سندھ کے صدر کے حوالے کرے گی کہ پی ٹی آئی کے چیئرمین اور وائس چیئرمین ووٹ دینے کیوں نہیں پہنچے۔
کمیٹی پی ٹی آئی رہنما خرم شیر زمان، ارسلان گھمن، عطاء اللہ خان، آفتاب جہانگیر، فہیم خان، سعید آفریدی، راجا اظہر، ڈاکٹر شہاب امام، ایڈووکیٹ شجاعت علی خان پر مشتمل ہے۔
