پرتگال کے اسٹار فٹبالر کرسٹیانو رونالڈو ایک انسٹاگرام سرگرمی کے بعد نئے تنازع کا مرکز بن گئے، جب ان کے تصدیق شدہ اکاؤنٹ سے ایک ایسی ویڈیو پسند کیے جانے کی اطلاعات سامنے آئیں جس میں فیفا پر جانبداری اور ارجنٹینا کو 2026 کے ورلڈ کپ فائنل تک پہنچانے میں مبینہ مدد کا الزام عائد کیا گیا تھا۔
یہ بھی پڑھیں: کرسٹیانو رونالڈو پرتگال کو فیفا ورلڈ کپ کیوں نہ جتوا سکے؟
غیرملکی میڈیا کے مطابق سوشل میڈیا پر گردش کرنے والی تصاویر میں دعویٰ کیا گیا کہ کرسٹیانو رونالڈو کے تصدیق شدہ انسٹاگرام اکاؤنٹ نے اس ویڈیو کو پسند کیا، جس کے بعد فٹبال شائقین میں نئی بحث چھڑ گئی۔
View this post on Instagram
رپورٹ کے مطابق مذکورہ ویڈیو میں فیفا پر مختلف الزامات عائد کیے گئے تھے اور دعویٰ کیا گیا تھا کہ ٹورنامنٹ کے دوران ارجنٹینا کو متنازع ریفری فیصلوں میں فائدہ پہنچا۔
رونالڈو نے اس معاملے پر کوئی عوامی بیان جاری نہیں کیا اور نہ ہی یہ وضاحت کی کہ انہوں نے ویڈیو کیوں پسند کی یا وہ اس میں کیے گئے تمام دعوؤں سے اتفاق کرتے ہیں یا نہیں۔
یہ بھی پڑھیں: 2026 ورلڈ کپ میرا آخری ٹورنامنٹ ہوگا، کرسٹیانو رونالڈو کا اعلان
ماہرین کا کہنا ہے کہ کسی سوشل میڈیا پوسٹ کو پسند کرنا بذاتِ خود اس میں کیے گئے الزامات کے درست ہونے کا ثبوت نہیں ہوتا اور نہ ہی اس سے میچ فکسنگ یا بدعنوانی کے دعووں کی تصدیق ہوتی ہے۔
واضح رہے کہ 2026 کا فیفا ورلڈ کپ لیونل میسی اور کرسٹیانو رونالڈو دونوں کا آخری عالمی کپ تھا۔ ارجنٹائن فائنل تک پہنچا، جہاں اسے اضافی وقت میں اسپین کے ہاتھوں ایک صفر سے شکست کا سامنا کرنا پڑا۔
