نیویارک کے میئر ظہران ممدانی نے اسرائیلی وزیراعظم بنجمن نتن یاہو کو ‘جنگی مجرم’ قرار دیتے ہوئے تسلیم کر لیا ہے کہ وہ قانونی اختیارات کے دائرے میں نہ آنے کی وجہ سے انہیں نیویارک آمد پر گرفتار کرنے سے قاصر ہیں۔
ممدانی کا یہ اعتراف امریکی صدر ڈونلڈ ٹرمپ کے اس بیان کے بعد سامنے آیا ہے جس میں انہوں نے واضح کیا تھا کہ نتن یاہو کو امریکا میں کسی صورت گرفتار نہیں کیا جائے گا۔
قانونی راستوں کی تلاش اور بے بسی
منگل کی شام سوشل میڈیا پر جاری ویڈیو پیغام میں میئر ظہران ممدانی نے بتایا کہ ان کی انتظامیہ نے تمام متعلقہ قوانین کا جائزہ لیا تاکہ یہ معلوم کیا جا سکے کہ کیا نیویارک شہر بین الاقوامی فوجداری عدالت (آئی سی سی) کےجاری کردہ گرفتاری کے وارنٹ پر عمل درآمد کر سکتا ہے یا نہیں؟۔
یہ بھی پڑھیں:نیتن یاہو جنگی مجرم، اس کی جگہ جیل ہے، ظہران ممدانی ستمبر میں اسرائیلی وزیراعظم کو گرفتار کرنے پر بضد
تاہم قانونی ماہرین کے مطابق مقامی حکام کے پاس کسی غیر ملکی رہنما کو گرفتار کرنے کا قانونی اختیار نہیں ہے اور ایسا کرنے کی صورت میں نیویارک انتظامیہ کو فوری قانونی کارروائی کا سامنا کرنا پڑ سکتا ہے۔
صدر ٹرمپ کا کڑا ردِعمل
اس سے قبل صدر ڈونلڈ ٹرمپ نے اپنے سوشل میڈیا پلیٹ فارم ‘ٹرتھ سوشل’ پر جاری ایک بیان میں کہا کہ ‘بنجمن نتن یاہو کو امریکا میں کسی بھی صورت میں گرفتار نہیں کیا جائے گا۔
Zohran Mamdani: “Netanyahu is a war criminal. My administration has reviewed every avenue to determine whether we could execute the ICC’s arrest warrant. It is clear we do not have the authority to enforce this warrant. Netanyahu is not welcome in NYC.” pic.twitter.com/VRvJdrU7Ix
— TheBlaze (@theblaze) July 22, 2026
ٹرمپ کا کہنا تھا کہ نتن یاہو ایران کی اسلامی جمہوریہ کے خلاف جنگ لڑ رہے ہیں اور امریکا اپنے اتحادی کے ساتھ کھڑا ہے۔
بین الاقوامی وارنٹ اور امریکی قوانین کا تصادم
یاد رہے کہ نومبر 2024 میں بین الاقوامی فوجداری عدالت (آئی سی سی) نے بنجمن نتن یاہو کے خلاف غصے اور بھوک کو بطور حربہ استعمال کرنے اور غصے میں عام شہریوں پر حملے کی ہدایت دینے جیسے ’جنگی جرائم‘ کے الزامات کے تحت گرفتاری کے وارنٹ جاری کیے تھے۔
یہ بھی پڑھیں:تنخواہ میں 18 فیصد اضافے سے انکار، نیویارک کے میئر ظہران ممدانی پر ’نیپو بے بی‘ ہونے کی تنقید
تاہم امریکی ‘سروس ممبرز پروٹیکشن ایکٹ’ کے تحت مقامي ادارے آئی سی سی کے وارنٹ پر عمل درآمد کے پابند نہیں ہیں۔
نیویارک میں سیاسی و قانونی تحرک
اس تنازع کے بعد نیویارک اسٹیٹ اسمبلی کے رکن سمچا ایچنسٹائن نے نیویارک کی اٹارنی جنرل لیٹیشیا جیمز سے اپیل کی ہے کہ وہ اس بات کی تحقیقات کریں کہ آیا میئر ممدانی نے ایک غیر ملکی رہنما کو دھمکی دے کر مقامی ضوابط کی خلاف ورزی کی ہے یا نہیں؟۔
دوسری جانب، اسرائیلی وزیراعظم کے دفتر نے بھی نیویارک کے میئر کو اپنے شہر کے مسائل حل کرنے پر توجہ دینے کا مشورہ دیا تھا۔
