اسکاٹ لینڈ میں جاری کامن ویلتھ گیمز 2026 میں پاکستان کی خاتون باکسر فاطمہ زاہرہ نے شاندار کارکردگی کا مظاہرہ کرتے ہوئے ویمنز 60 کلوگرام کیٹیگری کے کوارٹر فائنل کے لیے کوالیفائی کر لیا۔
فاطمہ زاہرہ نے ابتدائی مرحلے کے مقابلے میں لیسوتھو کی باکسر ریئل ایبوہا کو یکطرفہ انداز میں شکست دی۔ مقابلے کے دوران پاکستانی باکسر ابتدا ہی سے حریف پر مکمل طور پر حاوی رہیں اور ان کے مسلسل مؤثر حملوں کے باعث ریفری نے مقابلہ قبل از وقت روک کر فاطمہ زاہرہ کو فاتح قرار دے دیا۔
Pakistan's Fatima Zahra's winning moment that led her to the quarterfinal of the 60kg event at the Commonwealth Games.
If she does get to the semifinal, she will become the first Pak woman to win a boxing medal at Commonwealth Games. pic.twitter.com/pVE5Wg9ll1
— natasha (@NatashaRaheel) July 24, 2026
اس کامیابی کے ساتھ فاطمہ زاہرہ نے ایونٹ کے کوارٹر فائنل میں جگہ بنا لی، جہاں ان کا مقابلہ نیوزی لینڈ کی باکسر جارڈن ولسن سے ہوگا۔ یہ مقابلہ پاکستان کے لیے تمغے کی دوڑ میں انتہائی اہم تصور کیا جا رہا ہے۔
یہ بھی پڑھیں:کامن ویلتھ گیمز میں ارشد ندیم ایک بار پھر تاریخ دہرانے کے لیے پرعزم
گلاسگو 2026 کامن ویلتھ گیمز کی باکسنگ میں مختلف ممالک کے مرد اور خواتین باکسرز حصہ لے رہے ہیں، جبکہ اس ایڈیشن میں پہلی بار خواتین اور مردوں کے لیے برابر وزن کی کیٹیگریز رکھی گئی ہیں، جسے باکسنگ میں صنفی مساوات کی جانب ایک اہم پیش رفت قرار دیا جا رہا ہے۔
Pakistan's boxer Fatima Zahra has qualified for the Quarter-finals in the Women's 60kg of Commonwealth Games 2026 after beating Realeboha Segoete! 👏 pic.twitter.com/XO3otH2sL0
— Muneeb Farrukh (@Muneeb313_) July 24, 2026
پاکستانی کھیلوں کے حلقوں نے فاطمہ زاہرہ کی کامیابی پر خوشی کا اظہار کرتے ہوئے امید ظاہر کی ہے کہ وہ کوارٹر فائنل میں بھی عمدہ کارکردگی کا مظاہرہ کر کے سیمی فائنل میں رسائی حاصل کریں گی اور پاکستان کے لیے تمغہ جیتنے کی امیدوں کو مزید روشن کریں گی۔
