محکمہ موسمیات نے آئندہ 24 گھنٹوں کے دوران ملک کے مختلف علاقوں میں تیز ہواؤں، آندھی، گرج چمک اور بارش کی پیش گوئی کرتے ہوئے خبردار کیا ہے کہ سندھ اور شمال مشرقی و وسطی پنجاب کے بعض مقامات پر موسلادھار بارش ہو سکتی ہے۔
محکمہ موسمیات کے مطابق ہفتہ اور اتوار کے دوران بعض علاقوں میں اربن فلڈنگ اور مقامی ندی نالوں میں طغیانی کا بھی خدشہ ہے۔
جبکہ اسلام آباد اور گردونواح میں مطلع جزوی ابر آلود رہے گا اور گرج چمک کے ساتھ بارش کا امکان ہے۔
یہ بھی پڑھیں: ملک بھر میں شدید بارشوں کی پیشگوئی، پی ڈی ایم اے اور محکمہ موسمیات کا سیلابی انتباہ
پنجاب میں مری، گلیات، راولپنڈی، اٹک، لاہور، گوجرانوالہ، شیخوپورہ، اوکاڑہ، پاکپتن، قصور، سیالکوٹ، نارووال، چکوال، جہلم، منڈی بہاؤالدین، گجرات، فیصل آباد، جھنگ، ٹوبہ ٹیک سنگھ، خانیوال، وہاڑی، خوشاب، بہاولنگر، بہاولپور، ساہیوال، نورپور تھل، بھکر، میانوالی اور سرگودھا سمیت متعدد اضلاع میں تیز ہواؤں اور گرج چمک کے ساتھ بارش جبکہ بعض مقامات پر موسلادھار بارش کی پیشگوئی کی گئی ہے۔
اس کے علاوہ راجن پور، ملتان، ڈیرہ غازی خان، لودھراں، مظفرگڑھ، کوٹ ادو اور رحیم یار خان میں بھی کہیں کہیں بارش متوقع ہے۔
📷 Weather Alert
Rain-wind/thundershowers are expected in Sindh, Punjab, Khyber Pakhtunkhwa, Kashmir and North East/South Balochistan.Isolated heavy falls are also expected in Sindh and northeastern/central Punjab during the period.#PMD #weatherforecast #Monsoon2026 #HeavyRain pic.twitter.com/0F6z6fta0C— Pak Met Department محکمہ موسمیات (@pmdgov) July 25, 2026
خیبرپختونخوا میں چترال، دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، صوابی، پشاور، چارسدہ، نوشہرہ، مردان، کرک، کوہاٹ، لکی مروت، بنوں، وزیرستان، ہنگو، کرم، اورکزئی، ٹانک اور ڈیرہ اسماعیل خان میں تیز ہواؤں اور گرج چمک کے ساتھ بارش کا امکان ہے، جبکہ مغربی اضلاع میں شام اور رات کے اوقات میں درمیانی سے تیز بارش متوقع ہے۔
سندھ میں تھرپارکر، عمرکوٹ، میرپورخاص، بدین، سانگھڑ، ٹنڈو محمد خان، ٹنڈو الہ یار، حیدرآباد، مٹیاری، جامشورو، شہید بینظیر آباد، گھوٹکی، کشمور، جیکب آباد، شکارپور، سکھر، قمبر شہدادکوٹ، دادو، لاڑکانہ، خیرپور، نوشہروفیروز اور ٹھٹھہ میں تیز ہواؤں اور گرج چمک کے ساتھ بارش جبکہ بعض مقامات پر درمیانی سے موسلادھار بارش کی توقع ہے۔
کراچی میں مطلع جزوی ابر آلود رہنے کے ساتھ ہلکی بارش کا امکان ظاہر کیا گیا ہے۔
بلوچستان کے ژوب، موسیٰ خیل، شیرانی، لورالائی، بارکھان، کوہلو، سبی، نصیر آباد، جھل مگسی، جعفر آباد، ڈیرہ بگٹی، قلعہ سیف اللہ، پشین، قلات، خضدار، پنجگور، آواران اور لسبیلہ میں بھی تیز ہواؤں، آندھی اور گرج چمک کے ساتھ بارش جبکہ چند مقامات پر موسلادھار بارش متوقع ہے۔
مزید پڑھیں: پورا ہفتہ موسلا دھار مون سون بارشیں، محکمہ موسمیات کا ملک گیرالرٹ، شہریوں کو احتیاطی تدابیر اپنانے کا انتباہ
گلگت بلتستان اور آزاد کشمیر میں بھی مطلع ابر آلود رہنے کے علاوہ تیز ہواؤں اور گرج چمک کے ساتھ بارش کی پیشگوئی کی گئی ہے۔
محکمہ موسمیات نے خبردار کیا ہے کہ ہفتہ سے اتوار کے دوران ڈیرہ غازی خان کے پہاڑی ندی نالوں اور شمال مشرقی بلوچستان کے مقامی و برساتی ندی نالوں میں طغیانی آ سکتی ہے۔
مزید پڑھیں: ایل نینو اور موسمیاتی تبدیلی پاکستان میں شدید گرمی اور مون سون کے خطرات کو کیسے بڑھا رہے ہیں؟
اسی طرح موسلادھار بارشوں کے باعث سندھ، لاہور، گوجرانوالہ، سیالکوٹ، گجرات، ساہیوال، سرگودھا، جھنگ، فیصل آباد، خانیوال اور ملتان کے نشیبی علاقوں میں پانی جمع ہونے اور شہری سیلاب جیسی صورتحال پیدا ہونے کا خدشہ ہے۔
محکمہ موسمیات نے عوام کو احتیاط برتنے کی ہدایت کرتے ہوئے کہا ہے کہ موسلادھار بارش، تیز آندھی اور آسمانی بجلی کے باعث کمزور تعمیرات، سولر پینلز، بجلی کے کھمبوں اور بل بورڈز کو نقصان پہنچ سکتا ہے، اس لیے شہری غیر ضروری سفر سے گریز کریں اور موسم کی تازہ صورتحال سے آگاہ رہیں۔
