اسلام آباد پولیس نے سوشل میڈیا پر وائرل ہونے والے خاتون سے بدسلوکی کے واقعے میں ملوث ملزم کو گرفتار کرلیا ہے۔
ترجمان اسلام آباد پولیس کے مطابق ڈی آئی جی اسلام آباد محمد جواد طارق نے خاتون سے بدسلوکی کے واقعے کا نوٹس لیا تھا، جس کے بعد ایس ایس پی آپریشنز قاضی علی رضا کی نگرانی میں خصوصی پولیس ٹیمیں تشکیل دی گئیں۔
یہ بھی پڑھیں: اسلام آباد پولیس کی کارروائی، دہرے قتل کا مجرم گرفتار
پولیس کے مطابق تھانہ شہزاد ٹاؤن کے ایس ایچ او اور ان کی ٹیم نے جدید ٹیکنالوجی اور انسانی ذرائع سے حاصل ہونے والی معلومات کی مدد سے کارروائی کرتے ہوئے ملزم راشد کو قلیل وقت میں گرفتار کرلیا۔
سوشل میڈیا پر وائرل خاتون سے بدسلوکی کا واقعہ۔
شہزاد ٹاؤن پولیس نے ملزم راشد کو قلیل وقت میں گرفتار کر لیا۔
ڈی آئی جی اسلام آباد محمد جواد طارق نے وقوعہ کا نوٹس لیا تھا۔
ایس ایس پی آپریشنز اسلام آباد قاضی علی رضا کی نگرانی میں خصوصی پولیس ٹیموں کی کامیاب کارروائی۔
ایس ایچ… pic.twitter.com/FOluxjy2v0
— Islamabad Police (@ICT_Police) July 27, 2026
ڈی آئی جی اسلام آباد محمد جواد طارق نے کہا کہ خواتین کے خلاف ہراسانی یا کسی بھی قسم کی بدسلوکی ہرگز برداشت نہیں کی جائے گی۔ انہوں نے کہا کہ اسلام آباد پولیس شہریوں، خصوصاً خواتین کے تحفظ کو یقینی بنانے کے لیے ہر وقت متحرک ہے۔
یہ بھی پڑھیں: اسلام آباد پولیس کی کارروائی، شہری کے قتل اور اغوا میں ملوث اشتہاری ملزم گرفتار
انہوں نے مزید کہا کہ گرفتار ملزم کو قانون کے مطابق قرار واقعی سزا دلوانے کے لیے تمام قانونی کارروائی عمل میں لائی جائے گی۔
