بھارتی کرکٹ ٹیم کے اسسٹنٹ کوچ ریان ٹن ڈوشیٹے نے اپنے عہدے سے استعفیٰ دے دیا ہے۔
میڈیا رپورٹس کے مطابق ریان ٹن ڈوشیٹے نے انگلینڈ میں قیام کے دوران بھارتی کرکٹ بورڈ کو اپنے فیصلے سے آگاہ کر دیا oy.
تاہم بی سی سی آئی کی جانب سے تاحال اس استعفے کی باضابطہ تصدیق نہیں کی گئی۔
یہ بھی پڑھیں: آئرلینڈ اور انگلینڈ سے شکست: بھارتی ٹی 20 ٹیم کی مسلسل ناکامیوں کی اصل وجہ کیا ہے؟
رپورٹس میں بتایا گیا ہے کہ ریان ٹن ڈوشیٹے جلد ہی انڈین پریمیئر لیگ یعنی آئی پی ایل کی فرنچائز کولکتہ نائٹ رائیڈرز کے کوچنگ اسٹاف میں شامل ہوں گے۔
ان کا بھارتی ٹیم کے ساتھ معاہدہ جولائی 2024 سے جولائی 2026 تک تھا، جو رواں ماہ اپنی مدت پوری کر چکا ہے۔
ریان ٹن ڈوشیٹے نے راہول ڈریوڈ کی جگہ گوتم گمبھیر کے ہیڈ کوچ بننے کے بعد بھارتی ٹیم کے معاون کوچنگ اسٹاف میں شمولیت اختیار کی تھی۔
Major shakeup in Team India's coaching setup! 🇮🇳🏏🇳🇱
• India assistant coach Ryan ten Doeschate has stepped down from his role following the end of his BCCI contract! 📉🤝
• A trusted lieutenant handpicked by Gautam Gambhir in 2024, ten Doeschate is set to rejoin IPL… pic.twitter.com/GOmvGKgIUw
— Cricket Hub (@Anurag9793) July 28, 2026
اپنے دور میں وہ بیٹنگ اور فیلڈنگ کے شعبوں کی ذمہ داریاں نبھاتے رہے۔
بھارتی میڈیا کے مطابق ان کی کوچنگ کے دوران بھارت نے 2025 کا ایشیا کپ اپنے نام کیا جبکہ 2026 میں آئی سی سی ٹی20 ورلڈ کپ کے ٹائٹل کا کامیابی سے دفاع بھی کیا۔ تاہم ٹیسٹ کرکٹ میں ٹیم کی کارکردگی توقعات کے مطابق نہ رہ سکی۔
مزید پڑھیں: ٹی20 کے بعد بھارت کو انگلینڈ کے خلاف ایک روزہ سیریز میں بھی شکست
رپورٹس کے مطابق بھارت کو آسٹریلیا کے خلاف بارڈر-گواسکر ٹرافی میں شکست کا سامنا کرنا پڑا، جبکہ ہوم گراؤنڈ پر نیوزی لینڈ کے ہاتھوں 3-0 اور جنوبی افریقا کے خلاف 2-0 سے ٹیسٹ سیریز بھی گنوانا پڑی۔
ریان ٹن ڈوشیٹے ماضی میں کولکتہ نائٹ رائیڈرز کی نمائندگی بھی کر چکے ہیں اور 2012ء اور 2014ء میں آئی پی ایل ٹائٹل جیتنے والی ٹیم کا حصہ رہے تھے۔
