نائب وزیراعظم و وزیر خارجہ سینیٹر محمد اسحاق ڈار نے کویت کے وزیر خارجہ الشیخ جراح جابر الاحمدصباح کا وزارتِ خارجہ میں ان کے سرکاری دورۂ پاکستان کے موقع پر خیرمقدم کیا۔
یہ بھی پڑھیں: کویت نے پاکستان کے ساتھ دفاعی تعاون کے معاہدے کی منظوری دے دی
دفتر خارجہ کے مطابق دونوں رہنما پہلے ون آن ون ملاقات کریں گے، جس کے بعد دونوں ممالک کے وفود کے درمیان باضابطہ مذاکرات ہوں گے۔
Deputy Prime Minister/Foreign Minister Senator Mohammad Ishaq Dar @MIshaqDar50 received H.E. Sheikh Jarrah Jaber Al-Ahmad Al-Sabah, Foreign Minister of the State of Kuwait, at the Ministry of Foreign Affairs on his official visit to Pakistan.
The two leaders will first hold a… pic.twitter.com/deNBfKYpJt
— Ministry of Foreign Affairs – Pakistan (@ForeignOfficePk) July 29, 2026
مذاکرات کے دوران پاکستان اور کویت کے دوطرفہ تعلقات کے تمام پہلوؤں کا جامع جائزہ لیا جائے گا، جبکہ باہمی تعاون کو مزید فروغ دینے کے امکانات پر بھی تبادلہ خیال کیا جائے گا۔
مزید پڑھیں: پاکستان کے توانائی کے شعبے میں اہم پیشرفت، امریکا اور کویت کے ساتھ نئے تعاون کی راہ ہموار
اس کے علاوہ علاقائی اور بین الاقوامی صورتحال پر بھی دونوں ممالک کے مؤقف اور باہمی دلچسپی کے امور پر تبادلۂ خیال کیا جائے گا۔
یہ دورہ پاکستان اور کویت کے درمیان برادرانہ تعلقات کو مزید مستحکم بنانے اور مختلف شعبوں میں تعاون کے فروغ کے لیے اہم پیش رفت قرار دیا جا رہا ہے۔
