نائب وزیراعظم اور وزیر خارجہ سینیٹر محمد اسحاق ڈار نے پاکستان کو لائیڈز مارکیٹ ایسوسی ایشن کی جوائنٹ وار کمیٹی (JWC) کی وار رسک انشورنس کی فہرست سے نکالنے کے فیصلے کا خیرمقدم کیا ہے۔
Pakistan welcomes the decision of the Lloyd’s Market Association’s Joint War Committee (JWC) to remove Pakistan from its Listed Areas for war risk insurance. This important milestone, achieved through the concerted efforts of the Government of Pakistan, ably coordinated by our…
— Ishaq Dar (@MIshaqDar50) July 31, 2026
سماجی رابطے کی ویب سائٹ ایکس پر اپنے بیان میں اسحاق ڈار نے کہا کہ یہ اہم سنگ میل حکومتِ پاکستان کی مشترکہ کوششوں اور لندن میں پاکستانی ہائی کمیشن کی مؤثر سفارتی کاوشوں کا نتیجہ ہے، جو پاکستان پر عالمی اعتماد میں اضافے کا مظہر ہے۔
مزید پڑھیں:اسحاق ڈار، بیگم خالدہ ضیا اور ڈاکٹر محمد یونس کے درمیان کیا باتیں ہوئیں؟
انہوں نے کہا کہ اس فیصلے سے جہاز رانی اور انشورنس کے اخراجات میں کمی آئے گی، تجارت کو فروغ ملے گا اور ملکی اقتصادی ترقی میں مدد ملے گی۔ اسحاق ڈار نے اس عمل کے دوران تعمیری تعاون پر لائیڈز مارکیٹ ایسوسی ایشن کا بھی شکریہ ادا کرتے ہوئے کہا، الحمدللہ۔
