وزیراعلیٰ پنجاب مریم نواز شریف نے آزاد جموں و کشمیر قانون ساز اسمبلی کے انتخابات میں پنجاب کی تمام نشستوں پر پاکستان مسلم لیگ (ن) کی کامیابی پر اللہ تعالیٰ کا شکر ادا کرتے ہوئے کہا ہے کہ ’کوئی اور نہیں، بس شیر! الحمدللہ۔‘
وزیراعلیٰ پنجاب نے سماجی رابطے کی ویب سائٹ ایکس پر جاری اپنے پیغام میں مسلم لیگ (ن) کی کامیابی پر مشرت کا اظہار کیا۔
کوئی اور نہیں بس شیر ۔۔۔ 🐅 🐅 🐅
الحمدُللّٰہ !— Maryam Nawaz Sharif (@MaryamNSharif) August 2, 2026
انہوں نے اپنے ایک اور پنجاب سے مہاجرین مقیم پاکستان کی 10 میں سے 10 نشستیں جیتنے پر بھی خوشی کا اظہار کیا۔
Alhamdolillah!! 10/10
Punjab 💚 pic.twitter.com/mhR0MGhsTc— Maryam Nawaz Sharif (@MaryamNSharif) August 2, 2026
واضح رہے کہ آزاد کشمیر قانون ساز اسمبلی کے دوسرے مرحلے کے عام انتخابات میں آج مظفرآباد ڈویژن اور مہاجرین مقیم پاکستان کے حلقوں میں پولنگ ہوئی۔
مہاجرین کے 12 حلقوں میں سے 2 پر پاکستان پیپلز پارٹی کے امیدوار کامیاب ہوگئے ہیں، 5 پر مسلم لیگ ن جیت گئی ہے، جبکہ 5 پر واضح برتری ہے، اور نتائج آنے کا سلسلہ جاری ہے۔
اسی طرح مظفرآباد ڈویژن کی 8 نشستوں میں سے بھی زیادہ پر مسلم لیگ ن کو برتری حاصل اور نتائج آنے کا سلسلہ جاری ہے۔
