ازبکستان کی نجی بجٹ ایئر لائن سینٹرم ایئر نے تاشقند اور کراچی کے درمیان براہِ راست پروازوں کے آغاز کا اعلان کر دیا ہے۔
ایئر لائن کے مطابق نئی فضائی سروس کا آغاز 3 ستمبر 2026 سے ہوگا، جس کے تحت ہفتہ وار چار یک طرفہ، یعنی دو آمد اور دو روانگی کی پروازیں آپریٹ کی جائیں گی۔ پروازیں جمعرات اور اتوار کے روز چلائی جائیں گی، جبکہ ان کے فلائٹ نمبر C6-565 اور C6-566 ہوں گے۔
یہ بھی پڑھیں:پاکستان، قازقستان، ازبکستان اور تاجکستان کا تجارت، سرمایہ کاری اور علاقائی روابط مزید مضبوط بنانے پر اتفاق
سینٹرم ایئر کا آغاز 18 جنوری 2023 کو ازبکستان کے دارالحکومت تاشقند سے کیا گیا تھا۔ مختصر عرصے میں ایئر لائن نے اپنے نیٹ ورک کو نمایاں وسعت دیتے ہوئے 16 طیاروں کے بیڑے کے ساتھ 18 ممالک کے 56 مقامات تک پروازیں شروع کر دی ہیں۔
واضح رہے کہ سینٹرم ایئر 21 اپریل 2026 سے تاشقند اور لاہور کے درمیان بھی براہِ راست پروازیں چلا رہی ہے، جبکہ کراچی کے لیے نئی سروس دونوں ممالک کے درمیان فضائی روابط، سیاحت، تجارت اور عوامی روابط کو مزید فروغ دینے میں معاون ثابت ہوگی۔
