امریکا کے دارالحکومت واشنگٹن ڈی سی میں واقع اسمتھسونین نیشنل زو میں دیوہیکل پانڈا باؤ لی کی 5ویں سالگرہ نہایت جوش و خروش سے منائی گئی۔
سالگرہ کی تقریب 4 اگست کو منعقد ہوئی، جس میں بڑی تعداد میں شہریوں، سیاحوں اور بچوں نے شرکت کی۔
اس موقع پر باؤ لی کے لیے پھلوں، سبزیوں اور دیگر پسندیدہ غذاؤں سے تیار کیا گیا خصوصی سالگرہ کا کیک پیش کیا گیا، جسے پانڈا نے شوق سے کھایا۔
🐼🦈💦 Dive into five! Giant panda Bao Li celebrated turning five with a shark-themed birthday bash this morning. The “bearthday” boy enjoyed a special panda-friendly fruitsicle cake made by the Zoo's Department of Nutrition Science as crowds gathered at the Giant Panda Habitat. pic.twitter.com/HGXAdhEGpF
— National Zoo (@NationalZoo) August 4, 2026
تقریب کے دوران باؤ لی نے اپنے پسندیدہ بانس سے بھی خوب لطف اٹھایا، جبکہ زو میں موجود بچوں نے پانڈا کے ملبوسات پہنے کرداروں کے ساتھ تصاویر بنوائیں اور مختلف سرگرمیوں میں حصہ لیا۔
سالگرہ کی خوشیوں میں شریک افراد نے باؤ لی کو خصوصی کیک کھاتے اور بانس سے لطف اندوز ہوتے دیکھا، جبکہ چڑیا گھر کی انتظامیہ نے اس موقع پر جنگلی حیات کے تحفظ اور دیوہیکل پانڈا کی بقا کی اہمیت کو بھی اجاگر کیا۔
تقریب میں آنے والے بچوں اور خاندانوں نے باؤ لی کی سالگرہ کو یادگار قرار دیتے ہوئے اس منفرد تقریب سے بھرپور لطف اٹھایا۔
